14. september kl. 15.07 | vaktin.net |

Nýtt tölvusnið myndtæki

Í gærmorgun var tekið í notkun tölvusnið myndatæki hjá Heilbrigðis stofnun Vestmannaeyja, tveir sjúklingar voru mættir til myndatöku í tækinu.
Aðalbjörg Skarphéðinsdóttir röntgentæknir stjórnaði tækjum og tólum og allt gekk vel með myndatöku Þorkels, næst kom Valgerður og vel gekk með hana, en auk myndatökunnar þurfti að sprauta litarefni inn í hana þegar myndirnar voru teknar.

Tölvusnið myndatækið er beintengt til Reykjavíkur og þar eru röntgenlænknar sem lesa úr myndunum, fyrsta bráðabirgða niðurstaða kom úr Reykjavík 1 klst. eftir að myndirnar voru teknar af Valgerði.

Læknar hér í Eyjum geta lesið úr myndunum t.d. ef um beinbrot er að ræða, en í flóknari myndatökum er lesið úr myndunum í Reykjavík.
 
Í báðum þessum myndatökum hefðu sjúklingar orðið að fara til Reykjavíkur til myndatöku hefði þetta tæki ekki verið á staðnum, þetta tæki er góð viðbót fyrir sjúkrahúsið og á eftir að vera mikill sparnaður fyrir íbúa þessa byggðarlags.

2 hvalir í Vestmannaeyjahöfn

| 16. september kl. 18.29 | visir.is | Hvalir vekja athygli í Vestmannaeyjahöfn Óvanalegrar hvalagengdar hefur orðið vart í höfninni í Vestmannaeyjum. Tvær ólíkar hvalategundir virðast hafa tekið sér bólfestu um stund í innsta hluta hafnarinnar. Hvalirnir hafa vakið mikla athygli hjá bæjarbúum og hefur fjöldi manna lagt leið sína niður á bryggju. Bæði er það að sjá tvær hvalategundir í þetta nánu samfélagi og svo hitt að önnur tegundin er væntanlega djúpsjávarhvalur sem getur kafað álíka djúpt og búrhvalur en hin tegunin er skíðishvalur sem lifir á grunnsævi. Fólk safnaðist saman á bryggjunni til þess að skoða og mynda hvalina, enda ekki á hverjum degi sem tækifæri gefst til slíkra hluta. Menn telja líklegustu skýringuna þá að hvalirnir hafi lennt í hafvillum og villst inn í höfnina, en það mætti líka spyrja hvort þessa hvalagengd megi túlka sem jákvætt merki varðandi marslið.

ÍBV í eldlínuni um helgina

15. september kl. 13.33

 

Leik ÍBV og Grindavíkur frestað

Leikið á morgun en óljóst með leiktíma

Leik ÍBV og Grindavíkur í 1. deild karla í knattspyrnu, sem átti að hefjast núna klukkan 14.00 hefur verið frestað til morguns.  Ekki hefur verið flugfært milli lands og Eyja í dag eða í morgun og enn er ófært.  Líklegt er að leikurinn verði á sama tíma á morgun en það hefur ekki fengist staðfest.

Síðar í dag fer svo fram handboltaleikur milli ÍBV og Fram í N1-deildinni.  Ekki hefur verið tekin ákvörðun um það hvort fresta eigi þeim leik en um leið og þær upplýsingar liggja fyrir verður greint frá því hér á www.sudurland.is/eyjafrettir og sömuleiðis með nýjan leiktíma í knattspyrnuleiknum.

 

15. september kl. 14.32

 

Báðum leikjunum frestað

Á sama tíma á morgun

Nú er komið í ljós að bæði knattspyrnu- og handboltaleik sem fram áttu að fara í Vestmannaeyjum í dag hefur verið frestað.  Í knattspyrnunni átti ÍBV að leika gegn Grindavík en í handboltanum átti ÍBV að spila gegn Fram í fyrsta leik Íslandsmótsins.  Báðir leikirnir munu hins vegar fara fram á morgun, á sama tíma.

Þannig hefst hinn mikilvægur leikur í knattspyrnunni klukkan 14.00 en handboltaleikurinn klukkan 17.00.  Eins og áður hefur komið fram er stuðningsmönnum ÍBV boðið á leikina báða af nokkrum fyrirtækjum í Eyjum og stendur það tilboð að sjálfsögðu áfram.  Forráðamenn liðanna hvetja stuðningsmenn ÍBV að fjölmenna á leikina báða, nú er engin afsökun enda frítt inn.

1. deild karla

Sanngjarn sigur gegn Grindvíkingum

Enn er von

Leikmenn ÍBV halda voninni enn lifandi um úrvalsdeildarsæti en í dag lögðu Eyjamenn Grindvíkinga að velli 2:1 á Hásteinsvellinum.  Aðstæður til knattspyrnuiðkunnar í dag voru nokkuð erfiðar, austan rok og skítakuldi.  Hins vegar var leikurinn ágætlega fjörugur og úrslitin góð.

 

Grindvíkingar byrjuðu þó betur í leiknum og strax á 9. mínútu var staðan orðin 0:1.  Mounis Abandour skoraði markið með glæsilegu skoti utan teigs, algjörlega óverjandi fyrir Henrik Bödker, Danann í marki ÍBV.  En segja má að eftir þetta hafi Eyjamenn tekið völdin á vellinum þrátt fyrir að leika gegn vindinum.  Tuttugu mínútum eftir mark Grindvíkinga jöfnuðu Eyjamenn svo en eftir glæsilega rispu Atla Heimissonar upp vinstri kantinn kom Ian Jeffs boltanum loksins í netið, klárlega ekki fallegasta mark sumarsins en það telur engu að síður.
Aðeins þremur mínútum síðar átti Atli svo aftur góða rispu upp kantinn og að lokum barst boltinn til Andra Ólafssonar sem skaut framhjá úr upplögðu færi og staðan í hálfleik var því 1:1.

Síðari hálfleikur fór fjörlega af stað, Eyjamenn voru mun meira með boltan framan af hálfleiknum en sköpuðu sér ekki mörg færi undan vindinum.  Á 61. mínútu vildu Eyjamenn fá víti þegar boltinn virtist fara í hönd Óla Stefáns Flóventssonar en ekkert var dæmt.  Tíu mínútum síðar kom svo sigurmarkið en þá fékk Augustine Nsumba boltann við vítateig gestanna, sneri af sér varnarmann og skaut í annann.  Ian Jeffs náði hins vegar frákastinu og lagði boltann laglega í netið og skoraði þar með annað mark sitt í leiknum.

Eftir þetta lögðu Eyjamenn áherslu á að halda fengnum hlut og lögðu reyndar á köflum full miklar áherslu á varnarleikinn því um tíma voru níu af tíu útileikmönnum liðsins komnir inn í eigin vítateig.  En Eyjamenn fengu nokkrar skyndisóknir og þegar komið var fram yfir venjulegan leiktíma komst varamaðurinn Ingi Rafn Ingibergsson einn í gegn.  Hann náði að leika á markmanninn en í stað þess að skjóta strax á markið ákvað hann að leggja boltann fyrir sig og varnarmaður komst fyrir og sóknin rann út í sandinn.  En stuttu síðar var leikurinn úti og Eyjamenn fögnuðu mikilvægum sigri en gestirnir gengu vonsviknir af velli, enda hefði jafntefli dugað þeim til að tryggja sér sæti í úrvalsdeild og gera út um vonir ÍBV.

Enn er von
Eins og áður sagði eiga Eyjamenn enn von um að komast í úrvalsdeild að ári.  ÍBV er enn sem fyrr í fjórða sæti, aðeins þremur stigum á eftir Grindavík og fjórum á eftir Fjölni.  Bæði eiga þau hins vegar leik til góða en liðin mætast einmitt næstkomandi þriðjudag í Grindavík.   Hins vegar er deginum ljósara að ÍBV verður að vinna báða leikina sem eftir eru, annars vegar gegn Þrótti á útivelli næstkomandi laugardag og gegn Fjölni á heimavelli föstudaginn 28. september. 

Staðan:
1. Þróttur 20 14 2 4 42:22 44
2. Fjölnir 19 13 3 3 54:20 42
3. Grindavík 19 13 2 4 36:18 41
4. ÍBV 20 11 5 4 36:19 38
5. Fjarðabyggð 20 10 4 6 22:14 34
6. Þór 20 5 6 9 31:37 21
7. Stjarnan 19 5 4 10 36:39 19
8. Leiknir R. 19 4 7 8 19:25 19
9. Víkingur Ó. 20 5 4 11 22:32 19
10. Njarðvík 20 3 8 9 19:30 17
11. Reynir S. 20 3 7 10 22:52 16
12. KA 20 4 4 12 12:43 16

16. september kl. 19.02

 

Okkar markmið að halda möguleikanum opnum eins lengi og við getum

segir Heimir Hallgrímsson, þjálfari ÍBV og segir margt jákvætt að gerast í knattspyrnunni

Heimir Hallgrímsson var að vonum ánægður með sigurinn gegn Grindavík í dag en Heimir segir þó að leikurinn breyti stöðu liðsins ekki, enn þarf ÍBV að vinna alla sína leiki og treysta á úrslit úr öðrum ef liðið ætlar sér upp.  Þjálfarinn var ekki sáttur við dómgæslunar þegar blaðamaður ræddi við hann og var sömuleiðis óhress með hvernig ÍBV byrjaði leikinn.

 

„Við spiluðum kannski ekki alveg eins og við ætluðum. Við lendum á móti vindi í fyrri hálfleik og þetta var erfitt til að byrja með. Grindvíkingarnir komu grimmir inn í leikinn og við áttum erfitt með að sækja til að byrja með. Svo gaf dómarinn þeim þetta mark með því að blokka varnarmanninn okkar þegar þeir skora. Mér finnst nú lágmark að menn biðjist afsökunar á því, þó að það verði ekki tekið til baka þá er lágmark að biðjast afsökunar. Annars fannst mér halla mjög á okkur í dómgæslunni. Ég hef nú ekki lagt það í vana minn að kvarta undan dómgæslunni en ég verð að segja alveg eins og er að mér fannst halla mjög á okkur."

Heimir sagði ennfremur að Eyjamenn hafi ekki breytt um taktík í síðari hálfleik þrátt fyrir að leika með vindinn í bakið.  „Þetta var bara spurning um hvar liðið liggur og við lágum bara framar í seinni hálfleik. Við þekkjum orðið þennan vind svo vel að við verðum að spila niðri. Þegar við gerðum það þá gekk vel en um leið og við settum hann upp í loft þá gekk illa."

En það hlýtur að vera sætt að leggja Grindavík að velli sem hefur verið á toppi deildarinnar í nánast allt sumar.  „Þetta var sætur sigur og við eigum ennþá möguleika á að vera fyrir ofan Grindavík. En þessi sigur í raun breytir engu fyrir okkur. Staðan okkar er nákvæmlega sú sama og hefur verið síðustu fjóra leiki, ef við töpum stigum þá erum við úr leik. Við erum lifandi enn, með sigri gegn Þrótti verðum við enn á lífi í þessari baráttu, sama hvernig aðrir leikir fara og það er okkar markmið það sem eftir er, að halda möguleikanum opnum eins lengi og við getum."

Og Heimir segir að hið jákvæða, bæði í herbúðum ÍBV og utan þeirra skili sér í bættum leik.  „Það sem er jákvætt í þessu hjá okkur er að við erum að nýta þau færi sem við fáum. Í undanförnum fjórum leikjum höfum við verið að skora nokkuð mörg mörk og það er margt jákvæðara í okkar sóknarleik núna en var kannski fyrr í sumar. Það er líka jákvæðara andrúmsloft í þessu, bæði hjá okkur og í bænum gagnvart knattspyrnunni eins og með knattspyrnuhúsið, og það smitast til leikmanna," sagði Heimir að lokum.

16. september kl. 19.07

N1-deildin:

Klaufalegt í lokin hjá ÍBV

köstuðu frá sér möguleika á sigri með tveimur brottvísunum

Segja má að Eyjamenn hafi kastað frá sér möguleika á sigri þegar liðið lék gegn Fram í dag.  ÍBV var undir allan síðari hálfleikinn en á lokamínútunum jafnaði Zilvinas Grieze metin, 29:29 þegar aðeins tæpar tvær mínútur voru eftir af leiknum.  Eyjamenn voru tveimur leikmönnum fleiri og höfðu því alla möguleika á sigri en tveir frekar klaufalegir brottrekstrar undir lokin gerði út um vonir Eyjamanna.  Framarar skoruðu síðustu þrjú mörk leiksins og unnu 29:32. 

Eyjamenn komu í raun mörgum á óvart í dag og Framarar, sem undanfarin ár hafa verið eitt af sterkari liðum landsins, þurftu virkilega að hafa fyrir sigrinum.  Þannig var nánast jafnt á öllum tölum í fyrri hálfleik en Framarar voru þó einu marki yfir í hálfleik, 14:15.

Gestirnir fóru svo mun betur af stað í síðari hálfleik, komust mest fimm mörkum yfir en með mikilli baráttu náðu Eyjamenn að vinna sig aftur inn í leikinn.  Það var ekki síst fyrir tilstilli Friðriks Þór Sigmarssonar, en hann fór hreint á kostum í markinu á lokakaflanum eftir að hafa leyst Kolbein Arnarson af hólmi, sem varði líka vel í leiknum.  Þrátt fyrir tapið geta Eyjamenn borið höfuðið hátt, liðið er klárlega litla liðið í deildinni í vetur en með sömu baráttu er ljóst að mörg af "betri" liðum deildarinnar munu tapa stigum í Eyjum.

Mörk ÍBV: Zilvinas Grieze 7, Janis Grisnavos 6, Sindri Haraldsson 5, Grétar Þór Eyþórsson 4, Sigurður Bragason 3, Svavar Vignisson 2, Eyþór Björgvinsson 1, Leifur Jóhannesson 1.
Varin skot: Kolbeinn Arnarson 12, Friðrik Þór Sigmarsson 7

16. september kl. 20.42

N1. deildin:

Ætlum að hafa gaman af þessu og bæta okkur í hverjum leik

segir Sigurður Bragason, fyrirliði ÍBV eftir fyrsta leik í handboltanum

Þrátt fyrir tapið í dag var Sigurður Bragason, fyrirliði ÍBV nokkuð brattur.  Hann tekur undir það að búast megi við erfiðum vetri og að byrjunin á Íslandsmótinu verði erfið.    „Jú vissulega. Við vorum að spila gegn hörkuliði, sem var Íslandsmeistari fyrir tveimur árum og þriðja sæti í fyrra. Auk þess höfum við misst sterka leikmenn frá því í fyrra þannig að jú, það mátti kannski alveg búast við þessu."

En þið náðuð að hanga í Frömurum lengst af í leiknum.
„Þetta var ekkert hangs hjá okkur. Við vorum búnir að jafna þegar þetta leiðindaatvik kemur þegar tvær mínútur eru eftir og við tveimur fleiri. Þá fæ ég brottvísun, sem var rangur dómur að mínu mati en að öðru leyti stóðu þeir sig vel dómararnir. Svo verða einhver læti á bekknum og við missum annann út af og verðum fjórir á móti fjórum. Það var í raun í lagi þangað til að þeir fengu sína menn inn á aftur."

Var þessi vendipunktur kannski reynsluleysi nýliðanna?
„Þetta var nú ég sem fékk brottvísunina og ég er þrítugur þannig að ég efast um að þetta hafi verið reynsluleysi. Svo fáum við stráka inn eins og Friðrik Þór Sigmars Þrastarson og hann kemur okkur einfaldlega einn í leikinn aftur. Svo var stemmningin frábær, bæði hjá okkur og áhorfendum og við bara berjumst."

Hvað með veturinn, verður hann erfiður?
„Já klárlega og við vitum það. En við ætlum okkur að hafa gaman af þessu, bæta okkur í hverjum leik og gera okkar besta. Við erum klárlega litla liðið í deildinni en það er bara gaman að stríða þeim eins og við gerðum í dag. Framarar voru með dómarana með sér, þeir þurftu þess til að vinna okkur," sagði Sigurður að lokum.

 

| 16. september kl. 19.22 | mbl.is |

Þórlindur Kjartansson nýkjörinn formaður SUS

Eyjamaðurinn Skapti Örn Ólafsson var kosinn í stjórn fyrir suðurkjördæmi.

Þórlindur Kjartansson var kjörinn formaður Sambands ungra sjálfstæðismanna með 90,5 prósent atkvæða á sambandsþingi ungra sjálfstæðismanna á Seyðisfirði í dag. Alls greiddu 171 ungir sjálfstæðismenn atkvæði á þinginu og hlaut Þórlindur 152 atkvæði.

Teitur Björn Einarsson var kjörinn fyrsti varaformaður og hlaut hann 129 atkvæði.

Sjálfkjörið var í öll stjórnarsæti. 26 taka sæti í stjórn og 15 í varastjórn. Þá var í gær samþykkt sú breyting á lögum S.u.s. að formenn kjördæmasamtaka, eða fulltrúar stjórna þeirra, hafa sæti í stjórn sambandsins.

16. september kl. 18.30 | eyjar.net |

1. deildin: ÍBV sigraði Grindavík

- www.gras.is

ÍBV - Grindavík 2-1
0-1 Paul McShane
1-1 Ian Jeffs
2-1 Ian Jeffs

ÍBV á enn möguleika á að komast upp í Landsbankadeild karla eftir góðan 2-1 sigur á Grindavík í eyjum í dag.  Paul McShane kom Grindvíkingum yfir en 2 mörk frá Ian Jeffs tryggðu heimamönnum mikilvægan sigur.  Eftir sigurinn eru Eyjamenn aðeins þrem stigum á eftir Grindavík sem að situr í þriðja sæti með 41 stig.

| 16. september kl. 08.01 | eyjar.net |

Staðbundinn veðurspá úr Brandinum

- veðrið í úteyjum við Heimaey

Engin þjóð er eins upptekin af veðri og sú íslenska og á mörgum heimilum má heyra saumnál detta þegar veðurfréttir eru í sjónvarpi eða útvarpi. Stórhöfði í Vestmannaeyjum er líklega sú veðurstöð á Íslandi og þó víðar væri leitað sem fær hvað flesta metra á sekúndu í gegnum sitt kerfi.

En Norðmenn hafa líka áhuga á veðri og eru þeir búnir að útbúa staðbundnar veðurspár fyrir 7 milljónir punkta í heiminum og eru Vestmannaeyjar og Surtsey eru að sjálfsögðu meðal þessara punkta.

En það eru staðir í Vestmannaeyjum þar sem veðráttan er mikið til umræðu enda veðrið helsti áhrifavaldur á veiði. En það eru úteyjarnar við Vestmannaeyjar. Nú er hægt að sjá staðbundna veðurspá t.d. fyrir Brandinn, Bjarnarey, Elliðaey, Suðurey og Hellisey.

En Norðmönnum þótti ekki taka því að gefa upp staðbundna spá fyrir Álsey.

15. september kl. 13.29 | eyjar.net |

Vinir Ketils Bónda opna dansskóla í eyjum

- laugardags slúður

Óstaðfestar heimildir úr vinnuskúr Steina og Olla gefa það til kynna að félagsskapurinn Vinir Ketils Bónda hafi sótt um styrk hjá Vaxtarsamningi Vestmannaeyja og Suðurlands vegna reksturs á Dansskóla Ketils Bónda.

Félagar Ketils Bónda hafa undanfarið verið að skoða húsnæði undir starfsemi sína sögur herma að þeir félagar horfi hýru auga til húsnæðis Betel safnaðarins við Faxastíg.

Helgi Ólafsson forseti Vinir Ketils Bónda verður skólastjóri dansskólans.

Helstu dansar sem kenndir verða eru Forseta dansinn, Mjaðmahnykkir HKE, Bóndadansinn, Journey - línan og  Magadans,

Sýnishorn af dönsunum eru hér að neðan:

Forsetadansinn:

Mjaðmahnykkir:

Bóndadansinn:

15. september kl. 05.46 | eyjar.net |

Hnefaleikafélagið fær aðstöðu í Félagsheimilinu

Hnefaleikafélag Vestmannaeyja hefur fengið framtíðar húsnæði undir æfingar sínar en félagið hefur verið á "götunni" undanfarna mánuði eftir að það missti síðasta æfingarhúsnæði. Hnefaleikafélagið hefur nú fengið til afnota aðstöðu á efstu hæð í Félagsheimilinu.

Hnefaleikafélagið er ungt en öflugt félag og mun þessi nýja aðstaða þeirra efla félagið til muna. Félagið fékk að gjöf frá Guðmundi Arasyni og fjölskyldu æfingahring og annan útbúnað til iðkunar á hnefaleikum en Guðmundur var búsettur í Vestmannaeyjum sem krakki. Guðmundur var Íslandsmeistari í hnefaleikum 1943 og keppti meðal annars við margfaldan ólympíumeistara í hnefaleikum.

Sæþór Ólafur Pétursson varð Íslandsmeistari í hnefaleikum á síðasta ári og varð hann valinn Íþróttamaður ársins í Vestmannaeyjum 2006. Þessi árangur Sæþór er frábær þegar litið er á þá umgjörð og aðstöðu sem hnefaleikafélagið hafði til umráða á síðasta ári.

Æfingar í hjá hnefaleikafélaginu verða alla daga nema föstudaga frá 17:00 - 20:00 og eru allir hjartanlega velkomnir, bæði stelpur og strákar.

14. september kl. 12.58 | visir.is |

Vinnslustöðin óskar eftir afskráningu

Stjórn Vinnslustöðvarinnar telur félagið ekki uppfylla lengur skráningarskilyrði um fjölda hluthafa og dreifða eignaraðild og hefur farið þess á leit við Kauphöllina að hlutabréf félagsins verði tekin af markaði. Afskráningin var samþykkti á stjórnarfundi Vinnslustöðvarinnar í gær.

Þá telur stjórnin ennfremur að lítil sem engin velta sé með hlutabréf í félaginu og ekki útlit fyrir að hún muni aukast. Vegna beins og óbeins kostnaðar sem félagið beri vegna skráningar hluta þess á
skipulagðan verðbréfamarkað þjóni hún því litlum tilgangi fyrir
hluthafa félagsins.

Eyjamenn, sem Sigurgeir B. Kristgeirsson, framkvæmdastjóri Vinnslustöðvarinnar, fer fyrir á um fimmtíu prósent hlutafjár í Vinnslustöðinni en Stilla, félag í eigu bræðranna Guðmundar og Hjálmars Kristjáns­sona frá Rifi, á um 32 prósent í félaginu.

Elli eyjabæjó vil afnema veiðigjald af útgerðum

15. september kl. 05.00 | ruv.is |

Vill afnema veiðigjald af útgerðum

Elliði Vignisson í Vestmannaeyjum vill afnema veiðileyfagjald af útgerðum. Sjávarútvegsfyrirtæki í Vestmannaeyjum greiða um 120 milljónir á ári í veiðileyfagjald. Hann segir það ekki rétt af ríkisstjórninni að lofa einhverjum mótvægisaðgerðum og innheimta á sama tíma sértækan skatt af sjávarútvegsfyrirtækjum.

Elliði segir að hagkerfi Vestmannaeyja verði fyrir 3,6 milljarða króna tapi vegna niðurskurðar á þorskvóta.

Mótvægisaðgerðir ríkissjórnarinnar skili sveitarfélaginu á milli 40 og 50 milljónum króna. Elliði segist ánægður með mótvægisaðgerðir ríkisstjórnarinnar eins og þau snúa að sveitarfélaginu og telur þær vita á gott.

Jói Listó með glæsilegt myndasafn á heimasíðu sinni

| 14. september kl. 10.25 | eyjar.net |

Jói Listó með glæsilegt myndsafn á heimsíðu sinni.

Listamaðurinn Jóhann Jónsson eða Jói Listó eins og hann er oftast kallaður hefur komið sér upp vefsíðu sem inniheldur stórt og glæsilegt ljósmyndasafn.

Á síðunni flokkar Jói myndirnar niður í flokka eins og t.d. gamlar þjóðhátíðarmyndir, myndir frá gosinu 1973 og fuglar.

Einnig er á síðunni að finna flokka sem Jói kallar spéland en þar hefur Jói gefur stjórnmálamönnum örlitla andlitslyfingu

Slóðin á síðuna er www.123.is/listo

Nýr Dala-Rafn VE 508 sjósettur í Pollandi á dögunum

13. september kl. 15.04

Nýjum Dala-Rafni VE 508 hleypt af stokkunum og gefið nafn:

Sá fimmti með sama nafni

-en fyrsta nýsmíði útgerðarinnar - Tilbúinn fyrir áramót

Dala Rafn sjósettur.

Nýju skipi Þórðar Rafns Sigurðssonar og Ingu Eymunds­dóttur,  Dala-Rafni VE 508,  var gefið nafn á föstudaginn. Þetta gerðist í kjölfar þess að báturinn var sjósettur í skipasmíðastöð í Gdansk í Póllandi þar sem hann var smíðaður. Þetta er fjórði báturinn sömu gerðar sem þarna er smíðaður og sá þriðji sem Eyjamenn láta smíða fyrir sig.

 

Það kom í hlut Ingu að brjóta kampavínsflöskuna á byrðingi skipsins um leið og hún gaf því nafnið Dala-Rafn VE. Smíði Dala-Rafns gengur vel og áætlað er að hann komi til Eyja um miðj­an desember. Skipið er byggt eftir sömu teikningu og Vest­mannaey VE og Bergey VE sem komu fyrr á þessu ári og hafa reynst vel.
„Þetta fimmti báturinn sem við eignumst með þessu nafni en sá fyrsti sem við látum smíða fyrir okkur," sagði Þórður Rafn í samtali við Fréttir.
  „Það er alveg meiriháttar að upplifa þetta og ekki skemmir fyrir að fjölskyldan var við­stödd þegar báturinn var sjósettur. Smíðin gengur betur fyrir sig en ætlað var og Brost, sem margir Eyjamenn þekkja og stýrir smíðinni, lofaði að hann verði tilbúinn 8. desember. Það er reyndar háð því að ekki standi á tækjum en samkvæmt samningi á hann ekki að afhendast fyrr en í janúar til febrúar á næsta ári."
  Dala-Rafn er systurskip Vest­mannaeyjar og Bergeyjar og segir Þórður Rafn að litlu sé breytt, aðeins þegar í ljós hafi komið atriði sem mátti lagfæra. Hann er 29 metra langur og 10,4 metrar á breidd.
  Skipstjóri er Eyþór Þórðarson

Lána út og suður einsog FH

13. september kl. 14.47

Ég held að best sé að gera eins og FH-ingar, segir Magnús Bragason á bloggsíðu sinni

Lána Eyjamenn út og suður og geta svo kallað þá heim

- svo er bannað vera að vera á móti

"Ég kíkti inn á bloggið hjá Kjartani Vídó áðan. Góður strákur Kjartan enda af góðu fólki kominn. Ég hefði viljað sjá hann halda áfram í handboltanum, hann var mikið efni", segir Magnús Bragason.

"Kjartan segir þannig frá sjálfum sér að hann sé "Eyjamaður í húð og hár". En hann býr ekki hérna. Hvenær byrjar maður á að vera Eyjamaður og hvenær hættir maður því? Er þetta eitthvað, sem maður ákveður sjálfur. Verðum við svaka Eyjamenn, þegar við verðum öll flutt til Reykjavíkur".

 

Ég held að það sé best að gera þetta eins og FH ingarnir gera. Þú ert í FH og svo lána þeir mann út og suður, en geta alltaf kallað mann heim, ef þeir þurfa. Og þér er bannað að vera á móti FH.

Ekki það að ég veit að Kjartan er góður sendifulltrúi Vestmannaeyja, hvar sem hann er, Guð blessi hann.

13. september kl. 20.46 | eyjar.net |

Reynslusaga ungs eyjamanns úr Reykjavík

Skutl í Mjódd

Bróðir minn lenti í nokkuð skondnu atviki í rvk-inni í gær. Nýfluttur til rvk og veit kannski ekki alveg hvernig allt funkerar hérna en ég fullvissaði hann nú um að það sem hann lenti í, í gær væri nú ekki daglegt brauð.

Það var þannig að hann var að keyra í Kópavoginum á leiðinni með TV-ið í viðgerð fyrir stóru systur og var stopp á rauðu ljósi þegar sextugur kínverji hoppar inn í bílinn og bendir út í loftið og segir " mjooodd mjoddd....eg missas strætó þú skutla" eftir nokkrar endurtekningar fattaði Óli að hann væri að biðja hann um að skutla sér í mjóddina.
Kínverjinn var voða spenntur yfir sjónvarpinu í aftursætinu og sagði "þú selja sjónvarp. ég kaupa. sjónvarp bilað?"
"já nei nei ég er nú bara að fara með það í viðgerð fyrir systur mína. "
Svo voru þeir nánast komnir að mjóddinni og stopp aftur á rauðu ljósi þegar kínverjinn hoppar aftur út og kveður með orðunum "ég fara hér. Takk fyrir skutl

Til hamingju Margrét Lára með markametið og íslandsmeistaratitilinn

 

13. septe

13. september kl. 23.31

Kvennaknattspyrna:

Margrét Lára sló eigið markamet

hefur skorað 35 mörk í aðeins fimmtán leikjum

Margrét Lára Viðarsdóttir bætti í kvöld eigið markamet í Landsbankadeildinni þegar hún skoraði fjórða og síðasta mark Vals gegn KR í leik sem flestir telja úrslitaleik Íslandsmótsins. Með sigrinum stendur Valsliðið með pálmann í höndunum. Margrét skoraði tvö mörk í leiknum og hefur því skorað alls 35 mörk í sumar í aðeins 15 leikjum. Hreint magnaður árangur hjá þessari frábæru knattspyrnukonu.

Eins og áður sagði eru Valsstúlkur með pálmann í höndunum þegar aðeins ein umferð er eftir en Valur er með þriggja stiga forystu á KR og auk þess er Valur með 78:7 en KR "aðeins" 69:17. Valur þarf því að tapa á heimavelli í síðustu umferð gegn Þór/KA en flestir eru sammála um að leikurinn verði nánast formsatriði fyrir sterkt Valslið.

 

til baka

mber kl. 19.33 | mbl.is |

Margrét Lára bætti markametið í 4:2-sigri Vals gegn KR

Valur sigraði KR, 4:2, í Landsbankadeild kvenna í dag og er Valur nánast búið að tryggja sér Íslandsmeistaratitilinn. Valur er með 43 stig en KR 40 en markatala Vals er mun betri. Margrét Lára Viðarsdóttir skoraði tvívegis í leiknum og hefur hún skorað 35 mörk í deildinni og bætti hún þar með markametið sem hún setti sjálf í fyrra. Aðrir leikir kvöldsins eru: Fjölnir - Breiðablik, Fylkir - Keflavík og Þór/KA - ÍR. Fylgst var með gangi mála í leik KR og Vals í textalýsingu á mbl.is.

90. mín. Egill Már Markússon dómari blæs í flautu sína. Leiknum er lokið og Valur er með 43 stig en KR 40.

90 2:4 Margrét Lára Viðarsdóttir skorar fjórða mark Vals eftir skyndisókn. Þetta er 35. mark hennar í Landsbankadeildinni og bætti hún markametið sem hún setti í fyrra þar sem hún skoraði 34 mörk.

74. mín. Hólmfríður Magnúsdóttir skallar yfir mark Vals eftir hornspyrnu KR-inga.

72. mín. Guðný Björk Óðinsdóttir leikmaður Vals náði ekki að skalla að marki KR af stuttu færi eftir fyrirgjöf frá Margréti Láru Viðarsdóttur.

66. mín. 2:3 Hrefna Jóhannesdóttir var ekki lengi að laga stöðuna fyrir KR en hún stakk sér inn fyrir flata vörn Vals og skoraði annað mark sitt í leiknum.

65. mín. 1:3 Varamaðurinn Dagný Brynjarsdóttir skorar fyrir Val eftir laglega sókn Vals. Dagný kom inná sem varamaður skömmu áður.

57. mín. Hólmfríður Magnúsdóttir á gott skot framhjá úr opnu færi. KR er mun sterkara þessa stundina.

56. mín. Edda Garðarsdóttir tók aukaspyrnu af löngu færi og þrumaði boltanum í þverslá Valsmarksins. Fjóla Dröfn Friðriksdóttir fékk síðan boltann í vítateignum en skot hennar fór yfir.

Síðari hálfleikur er byrjaður. KR er með vindinn í bakið en það er mjög hvasst en þurrt í Frostaskjólinu.

Fyrri hálfleik er lokið, staðan er 2:1-fyrir Val gegn KR.

42. mín. Valsliðið fékk tvö fín færi á sömu mínútunni. Málfríður Erna Sigurðardóttir þrumaði boltanum í þverslánna og skömmu síðar komst Margrét Lára í opið færi en Íris markvörður KR varði vel.

38. mín. Hólmfríður Magnúsdóttir leikmaður KR kemst í gott færi en skot hennar fer yfir markið. Ásta Árnadóttir leikmaður Vals fékk gult spjald skömmu síðar.

33. mín. 1:2 Margrét Lára Viðarsdóttir úr Val skorar eftir langt útspark markvarðar. Margrét slapp inn fyrir flata vörn KR og átti ekki í erfiðleikum með að skora framhjá Írisi markverði.

27. mín. Hólmfríður Magnúsdóttir úr KR fær gult spjald fyrir brot.

26. mín. 1:1 Katrín Jónsdóttir jafnar fyrir Val. Rakel Logadóttir fékk sendingu upp hægri kantinn og sendi hún boltann út í vítateiginn þar sem Katrín var mætt og þrumaði hún boltanum í markið.

24. mín. Agnes Þóra Árnadóttir leikmaður KR varði skot á marklínu en það var Margrét Lára Viðarsdóttir sem átti skotið.

21. mín. Rakel Logadóttir fær fínt færi en nær ekki skoti að marki eftir að Íris markvörður KR hafði misst af boltanum eftir úthlaup í vítateignum.

13. mín. Rakel Logadóttir komst ein inn fyrir vörn KR en Íris Dögg Gunnarsdóttir markvörður KR varði vel.

7. mín. 1:0 Hrefna Jóhannesdóttir skorar fyrir KR eftir snarpa sókn. Boltinn barst til Hrefnu þar sem hún lá í grasinu við vítapunktinn í vítateig Vals og náði hún að skjóta boltanum í autt markið - sitjandi.

4. mín. Olga Færseth skalla yfir markið af stuttu færi eftir fyrirgjöf frá Hólmfríði Magnúsdóttur.

Byrjunarlið KR: Íris Dögg Gunnarsdóttir - Ólína Guðbjörg Viðarsdóttir, Olga Færseth, Edda Garðarsdóttir, Ólöf Gerður Jónsdóttir Ísberg, Hólmfríður Magnúsdóttir, Alicia Maxine Wilson, Fjóla Dröfn Friðriksdóttir, Agnes Þóra Árnadóttir, Hrefna Huld Jóhannesdóttir, Embla Sigríður Grétarsdóttir.

Byrjunarlið Vals: Guðbjörg Gunnarsdóttir, Sif Atladóttir, Pála Marie Einarsdóttir, Málfríður Erna Sigurðardóttir, Ásta Árnadóttir, Vanja Stefanovic, Rakel Logadóttir, Katrín Jónsdóttir, Margrét Lára Viðarsdóttir, Guðný Björk Óðinsdóttir, Hallbera Guðný Gísladóttir.

Og vonandi sér maður þið einhverju stærra liði enn Val. Því þú ert greinlega mörgum númerum of stór á íslandi:

Síld í norskri lögsögu í boði Fiskistofu

| 13. september kl. 17.22 | eyjar.net |

Fiskistofa gefur út síldveiðileyfi í norskri lögsögu

-Af www.skip.is

Í ljósi þess að í byrjun árs tókust samningar um veiðar úr norsk-íslenska síldarstofninum hafa íslensk skip fengið leyfi til síldveiða innan norskrar lögsögu. Að kröfu Norðmanna geta aðeins 15 íslensk skip fengið leyfi til veiða á hverjum tíma. Alls eru veiðiheimildir íslenskra skipa innan norskrar lögsögu 34.560 tonn og er skipunum heimilt að veiða fyrir norðan 62°N og utan 12 sml. frá grunnlínum.

Eftirtalin skip hafa fengið leyfi: Aðalsteinn Jónsson SU, Hákon EA, Lundey NS, Faxi RE, Ingunn AK, Vilhelm Þorsteinsson EA, Margrét EA, Huginn VE, Bjarni Ólafsson AK, Börkur NK, Guðmundur VE, Álsey VE, Þorsteinn ÞH, Sighvatur Bjarnason VE, Kap VE

Allir stuðningsmenn ÍBV á völlinn frítt á laugardaginn

13. september kl. 15.04 | ibv.is |

Handbolti og fótbolti

FRÍTT Á VÖLLINN

Fjölmennun á völlinn og styðjum við bakið á strákunum.

Á laugardaginn n.k. verða tveir stórleikir á vegum félagsins. Fyrri leikurinn er kl. 14.00 og er á Hásteinsvelli en þá fá eyjamenn Grindvíkinga í heimsókn. Er um gríðarlegan mikilvægan leik að ræða og verður ÍBV að vinna sinn leik.

 Hins vegar er það fyrstu leikur meistaraflokksliðs ÍBV í handbolta í N1-deildinni en þeir taka á móti Frömurum og hefst leikurinn kl. 17.00 og er í Íþróttahúsinu. Gaman verður að fylgjast með peyjunum okkar í þessum fyrsta leik.

Hins vegar er það fyrstu leikur meistaraflokksliðs ÍBV í handbolta í N1-deildinni en þeir taka á móti Frömurum og hefst leikurinn kl. 17.00 og er í Íþróttahúsinu. Gaman verður að fylgjast með peyjunum okkar í þessum fyrsta leik.

Nokkur góð fyrirtæki hér í bænum hafa ákveðið að bjóða bæjarbúum á baða leikina en þessi fyrirtæki eru: Fiskverkun VE, Godthaab í Nöf, N1, Ísfélagið, Vinnslustöðin Sparisjóði Vestmannaeyja og Glitnir.

Viljum við þakka þessum frábæru fyrirtækjum fyrir þennan stuðning og nú er bara að fjölmenna á völlinn.

Nú er að duga eða drepast fyrir knattspyrnuliði ÍBV.

Eyjamennirnir Hermann og Gunnar Heiðar með virus á leikdegi

13. september kl. 12.18 | eyjar.net |

Myndir frá landsleiknum

Hermann og Gunnar með vírus á leikdegi.

Ísland - Norður Írland

Í gærkvöldi áttust við á Laugardalsvelli landsliðs Íslands og Norður Írlands í undankeppni EM í knattspyrnu sem fram fer á næsta ári í Sviss og Austurríki en leikurinn endaði með sigri Íslands 2-1.

En fyrir leikinn í gær var ekki víst hvaða leikmenn landsliðsins hefðu heilsu til að spila þennan mikilvæga leik. Nokkrir leikmenn liðsins höfðu fengið vírus sem olli magakveisu og hita. Byrjunarlið Íslands var ekki tilkynnt fyrr en klukkutíma fyrir leik sökum þessa.

Hermann og Gunnar Heiðar fengu báðir snert af vírusnum og sagði Gunnar Heiðar í samtali við www.eyjar.net að hann hefði átt erfitt með að halda út upphitunina fyrir leik sökum þreytu af völdum vírussins. En það virtist ekki hrjá Gunnari né Hermanni í leiknum að þeir hafi verið með magakveisu fyrr um daginn en báðir skiluðu sínu og vel það.

Myndir frá landsleiknum

Slæmt mál að fá virus á leikdegi. Enn þetta reddaðist hjá eyjapeyjunum. Hemmi var t.d. um allan völl allan tímann.

Elli eyjabæjó ánægður með svokallaða mótvægisaðgerð

| 12. september kl. 22.03 | eyjar.net |

eftir Elliða Vignisson bæjarstóra

Myndaleg fyrstu skref mótvægisaðgerða

Skjöldurinn er þó enn skörðóttur

Fyrstu skrefin í mótvægisaðgerðum ríkisstjórnar eru tekin af myndug skap.  Ég tel að ríkisstjórn hafi með þeim markað ákveðna stefnu og á von á því að innan skamms verði næstu skref stigin.  Hvað varðar sértækar aðgerðir til styrktar Vestmannaeyjum þá bera þar hæst 20 milljóna styrkur til rannsókna- og fræðasetursins, framlag til eflingar framhaldsskólans og tvö störf hjá Nýsköpunarstofu Íslands. 

Þá koma áframhaldandi samningar við Flugfélag Íslands til með að styrkja ferðþjónustu hér í Eyjum og þá ekki síst það að bæta 3. ferðinni við yfir sumartímann.  Hinsvegar er öllum ljóst að fleiri sértækar aðgerðir verða að koma til ef á einhvern hátt á að bæta þau skörð er sett voru í skjöld okkar Eyjamanna með því að skerða hér efnahag um 3.6 milljarða á ári. Um leið og ég hrósa stjórnvöldum fyrir fyrstu skrefin þá myndi ég vilja að ríkisstjórn Íslands taki fastar á vanda sjávarútvegsins td. með því að fella veiðigjald alveg niður auk þess sem enn hefur ekkert verið minnst á breytingar á þeim misrétti sem felst í byggðarkvóta.  Þá þarf að stórefla þorskrannsóknir og tilboð Vestmannaeyjabæjar og atvinnulífsins hér um að leiða það starf og greiða að hluta stendur enn.  Ég trúi ekki öðru en að stjórnvöld þiggi þá útréttu hönd.   Ég hef í aðdraganda þessara ákvarðana verið í góðu samstarfi við Árna Matthisen og Össur Skaprhéðinsson auk flestra þingmanna sunnlendinga.  Slíkt samstarf er forsenda árangurs og við leggjum mikið upp úr áframhaldandi samstarfi og viljum áfram leiða starf varðandi þær mótvægisaðgerðir er snúa að Vestmannaeyjum.  Það sem nú hefur verið tilkynnt er sem sagt gott skref í rétta átt en skjöldurinn er enn skörðóttur og því ætlum við að breyta.

Gott ef satt er.

| 12. september kl. 23.25 | ruv.is |

Ósátt með mótvægisaðgerðir

Mótvægisaðgerðir ríkisstjórnarinnar munu ekki gagnast þeim sem helst þurfa á þeim að halda. Þetta segir Grétar Mar Jónsson þingmaður frjálslynda flokksins. Hann segir ekki hægt að tala um verulegar mótvægisaðgerðir án þess að þær feli í sér grundvallarbreytingar á núverandi kerfi.

Þingmenn stjórnarandstöðunnar eru síður en svo sáttir við aðgerðaáætlun ríkisstjórnarinnar til þess að mæta skerðingu á þorskkvóta. Grétar Mar segir aðgerðirnar einfallega ekki nógu markvissar. Hann óttast að þær muni ekki gagnast smærri byggðarlögum og fyrirtækjum á landsbyggðinni sem verða af miklum tekjum við skerðinguna. Hann hefði frekar viljað sjá aðgerðir sem fælu í sér grundvallarbreytingar í greininni.

| 13. september kl. 13.17 | vaktin.net |

Stóraukin ríkisútgjöld, ávísun á verðbólgu

- Jón Magnússon skrifar

Ríkisstjórnin hefur kynnt áætlun sína um að stórauka ríkisútgjöld. Útgjaldaaukninguna kallar ríkisstjórnin mótvægisaðgerðir vegna niðurskurðar þorskafla. Þetta er rangt.

Í fyrsta lagi hefur ríkisstjórnin ekki kannað hvaða þörf var á mótvægisaðgerðum vegna niðurskurðar á þorskafla og hverjir töpuðu vegna þess.

Í öðru lagi vegna skorts á þarfagreiningu þá eru meintar mótvægisaðgerðir ómarkvissar.

Í þriðja lagi þá er verið að leggja til gæluverkefna að hluta og hins vegar ávísa fjármunum sem óhjákvæmilegt var að gera en á vitlausum tíma í mörgum tilvikum.

Í fjórða lagi eru ýmis góð og gagnleg verkefni sem leggja á fjármuni til annað væri óeðlilegt þegar rúmir 10 milljarðar eru greiddir úr ríkissjóði. Þessi verkefni eru þó flest þess eðlis að það var ástæða til að bíða með þau meðan ofurþensla er á almenna markaðnum.

Í fimmta lagi koma til landsins 1200 innflytjendur á mánuði til að vinna eða um 15.000 síðustu 12 mánuði. Samt sem áður kalla fyrirtækin enn á meira vinnuafl. Það liggur því ljóst fyrir að ekki var þörf á að fjölga störfum í ofhituðu hagkerfi.

Í sjötta lagi þá er aðgerðum ekki beint til þeirra sem verða fyrir tekjusamdrætti vegna skerðingar þorskvóta.

Í áttunda lagi þá veldur svona mikil útgjaldaaukning úr ríkissjóði aukinni verðbólgu. Ríkisstjórn og Seðlabanki vinna því greinilega ekki saman.

Í níunda lagi þá hafa útgerðarmenn haldið því fram að vegna gjafakvótakerfisins þá hafi hagræðing og framlegð aukist gríðarlega mikið í sjávarútvegi. Fyrirtækin ættu því að geta tekið skammvinnum tímabundnum samdrætti án aðstoðar ríkisvaldsins með sama hætti og önnur fyrirtæki þurfa að gera verði samdráttur hjá þeim. Í því sambandi má minna á að boðaður samdráttur í þorskafla er til þess skv því sem ríkisstjórnin segir að þorskafli verði mun meiri á næsta ári og næstu árum. Aðgerðir hvað fyrirtækin í sjávarútvegi varðar voru því óþarfar miðað við það sem útgerðarmenn og ríkisstjórn hafa haldið fram.

Í tíunda lagi þá á velferðarkerfi að vera fyrir fólk en hvorki fyrir fyrirtæki eða sveitarfélög. Einu mótvægisaðgerðirnar sem þörf gat verið á snéri því að einstaklingum, fólki sem kunni að verða fyrir tekjusamdrætti en ekkert í tillögum ríkisstjórnarinnar snýr að því.

Með eyðslustefnu sinni sem minnir á gamaldags þrautreynda byggðastefnu 9 áratugarins á síðustu öld er ríkisstjórnin að kynda verðbólgubál, auka þrýsting á gengisfellingu krónunnar og auka ríkisútgjöld til muna. Reikna má með eftir þess aðgerð að opinber útgjöld á Íslandi muni nema um helmingi af þjóðarframleiðslu.

Skyldu forsætis- mennta og fjármálaráðherra vera búnir að taka fram söngkverið hennar Ingibjargar Sólrúnar þar sem er að finna ljóðið "Sovét ísland óskalandið hvenær kemur þú.?

Hermann Hreiðars í banni fyrir að vera giftur

| 13. september kl. 09.44 | mbl.is |

Í bann fyrir að vera giftur

Hermann Hreiðarsson, fyrirliði og vinstri bakvörður íslenska landsliðsins, verður í banni í næsta landsleik, á móti Lettum á Laugardalsvelli laugardaginn 13. október.

Hermann fékk gult spjald þegar hann hugðist taka innkast út við hliðarlínu skammt frá hornfánanum vinstra megin. Fáir skildu hvers vegna dómarinn sýndi honum gula spjaldið enda virtist ekkert vera um að vera nema hvað hann bjó sig undir að taka innkastið.

„Ég fékk spjaldið fyrir að vera með giftingarhringinn á mér og nú verð ég í banni í næsta leik fyrir að vera giftur," sagði Hermann eftir leikinn, en hann fékk gula spjaldið á 65. mínútu leiksins.

Núna er ég alltaf vera sannfærðari að reglurnar í handbolta og fótbolta séu oft meingallaðar.

Enn mín óvænta reynsla í körfuknattleik fyrir 13 árum (þá 20 ára). Hefur sýnt mér hvað reglurnar þar eru miklu betri enn í handkn.leik eða knattsp.

Til dæmis þegar leikmaður körfuknattleik er með einhvað einsog hring, eyrna/lokk eða hálsmenn. þá stöðvar dómarinn leikinn og býður leikmanninn að fjarlægja eða hylja með plástur án einhverjar refsingar. Sem mér þykir miklu sniðugra enn að beita svona þunga refsingu einsog skólabróðir minn fékk. Sem ég skil reyndar ekki þar sem ég hélt að giftingahringur sé mjög heilagt að vera sem mest á fingrinum. Vegna þess að giftingarhringur er innsigli hjá karli og konu. Og ef þú tekur hann af þér þá ertu að rifta samninginn við svokallaðan Guð. Eða er ég kannski að rugla?