ssss

Miðvikudaginn 19. janúar kl. 17.30

Sigurður Áss, Siglingastofnun - Vill samvinnu og gegnsæi í ákvörðunum

Ekki trúnaðarbrestur

- Bæjarstjóri vill skýrari verkferla - Fleiri komi að ákvörðunum

Herjólfur við bryggju í Vestmannaeyjum. „Það er ekki trúnaðarbrestur milli mín og skipstjóranna á Herjólfi, allavega ekki af minni hálfu. Það kemur fyrir að maður er ósammála skipstjóranum eins og t.d. sl. föstu­dag. Skipstjórinn stjórnar alltaf skipinu, hins vegar er breytilegt hvaða mælingar þarf til að taka ákvörðun um hvort sigla eigi til Landeyjahafnar og hvaða aðstæður þarf til að sigla þangað," sagði Sigurður Áss Grétarsson hjá Siglingastofnun þegar hann spurður hvort snurða væri á samstarfi hans við skipstjóra á Herjólfi. Meira

Þriðjudaginn 18. janúar kl. 19.36

Eimskipsbikarinn:

Valur númeri of stórt fyrir ÍBV

- Unnu öruggan sigur 21:35 - Eyjastúlkur voru yfir fyrsta stundarfjórðunginn

Styrkleikamunur ÍBV og Vals kom bersýnilega í ljós í kvöld þegar liðin mættust í 8-liða úrslitum Eimskipsbikarsins í Vestmannaeyjum.  Valsstúlkur unnu fjórtán marka sigur, 21:35 en staðan í hálfleik var 7:13.  Eyjastúlkur komu reyndar nokkuð á óvart fyrsta stundarfjórðunginn og voru yfir 6:5.  En þá tók Stefán Arnarson, þjálfari Vals leikhlé og las hressilega yfir hausamótunum á sínum leikmönnum.  Það virkaði, ÍBV skoraði ekki nema eitt mark það síðari fimmtán mínútur hálfleiksins á meðan gestirnir röðuðu inn mörkunum. Meira

Þriðjudaginn 18. janúar kl. 16.34

Bikarleikur í kvöld hjá stelpunum

- mæta Val í átta liða úrslitum í kvöld

Kvennalið ÍBV tekur í kvöld á móti Val í 8-liða úrslitum bikarkeppni kvenna í Eyjum.  Valsstúlkur fóru illa með ÍBV í byrjun árs í Íslandsmótinu en Valur hafði þá betur 44-18 en liðin léku þá á Hlíðarenda.  Flestir reikna með því að leikurinn verði Eyjastúlkum erfiður og því mikilvægt að þær fái góðan stuðning á heimavelli.  Leikur liðanna í kvöld hefst klukkan 18:00 og eru stuðningsmenn ÍBV hvattir til að styðja við bakið á stelpunum. Meira

 

Þriðjudaginn 18. janúar kl. 16.14

Slysavarnadeildir kynna starfsemi sína í kvöld

- opið hús hjá Eykyndli í Básum klukkan 20:00

Í kvöld, þriðjudaginn 18. janúar bjóða slysavarnadeildir um allt land gesti velkomna í húsnæði sitt og kynna þar starf sitt fyrir þeim aðilum sem áhuga hafa á því að starfa með þeim.  Innan Slysavarnafélagsins Landsbjargar starfa öflugar slysavarnadeildir sem hafa það að meginmarkmiði að koma í veg fyrir slys ásamt því að styðja við björgunarsveitir á sínu svæði. Starf þessara deilda á sér langa sögu en fyrstu deildirnar voru stofnaðar fyrir um 80 árum og hafa í gegn um tíðina unnið öflugt starf í þágu björgunar og slysavarna.  Í Eyjum verður starfsemin kynnt í Básum klukkan 20:00 í kvöld. Meira

Þriðjudaginn 18. janúar kl. 14.59

Fjórir Eyjamenn í Futsal-landsliðinu

Fjórir Eyjamenn eru í 15 manna hópi Íslands í Futsal, sem er innanhúss knattspyrna.  Hópurinn samanstendur af leikmönnum fjögurra félaga en í fyrsta æfingahópnum voru sjö Eyjamenn, sex úr ÍBV og einn frá KFS.  Fjórmenningarnir sem eru í lokahópnum eru þeir Albert Sævarsson, Eiður Aron Sigurbjörnsson, Tryggvi Guðmundsson og Þórarinn Ingi Valdimarsson, allir úr ÍBV.  Riðill Íslands verður leikinn á Ásvöllum í Hafnarfirði og er fyrsti leikurinn á föstudaginn klukkan 19. Meira

Þriðjudaginn 18. janúar kl. 14.55

Kjördæmisráð Samfylkingarinnar:

Fagna árangri ríkisstjórnar Jóhönnu Sigurðardóttur

- fagna boðuðum breytingum á stjórn fiskveiða

Kjördæmisráð Samfylkingarinnar í Suðurkjördæmi fagnar þeim mikla árangri sem ríkisstjórn Jóhönnu Sigurðardóttur hefur náð á erfiðum tímum. Ráðið skorar jafnframt á ríkisstjórnina að tryggja þjóðareign á auðlindum landsins og fagnar boðuðum breytingum á stjórn fiskveiða. Þá er skorað á ríkisstjórnina að tryggja framgang vegabóta á Suðurlandsvegi án vegatolla. Þetta kemur fram í fréttatilkynningu frá Samfylkingunni um aðalfund Kjördæmisráðsins sem haldinn var í Ölfusi 15. janúar. Tilkynninguna má lesa í heild sinni hér að neðan. Meira

Þriðjudaginn 18. janúar kl. 11.03

Hermann fór uppfyrir Ásgeir

Hermann Hreiðarsson er orðinn þriðji leikjahæsti knattspyrnumaður Íslands frá upphafi en um síðustu helgi fór hann framúr öðrum Eyjamanni, Ásgeiri Sigurvinssyni, á þeim lista.  Ásgeir lék á sínum tíma 482 deildaleiki með sínum liðum, ÍBV, Standard Liege, Bayern München og Stuttgart. Hermann lék sinn 483. deildaleik á ferlinum þegar hann kom inná hjá Portsmouth gegn Nottingham Forest í ensku 1. deildinni. Meira

My Sighvatur Jónsson 19. janúar kl.11:23 | ruv.is

Kópurinn étur síld í hvert mál

Kópurinn Golli sem kom á land á Breiðdalsvík fyrr í vetur braggast vel á Fiskasafninu í Vestmannaeyjum og étur síld í hvert mál. Hann klappar saman hreifunum, heilsar og gefur merki um hvenær hann vill komast upp úr karinu sínu.

réttir

19. janúar kl.08:15 | Morgunblaðið

Stofnfjáraukning fjármögnuð með kúlulánum

Arður af rekstri Sparisjóðs Vestmannaeyja átti að duga til greiðslu lána

Stofnfjáreigendum Sparisjóðs Vestmannaeyja bauðst kúlulán til fimm ára til þess að taka þátt í stofnfjáraukningu sjóðsins árið 2007. Þetta segir Stefán Sigurjónsson, einn 70 stofnfjáreigenda í Sparisjóði Vestmannaeyja í samtali við Morgunblaðið. Fjöldi sparisjóða á Íslandi jók stofnfé sitt árið 2007 og var Sparisjóður Vestmannaeyja ekki undanskilinn. Stofnfjáraukning Eyjamanna nam um 350 milljónum króna á árinu 2007. Sparisjóður Vestmannaeyja hefur nú gengið í gegnum fjárhagslega endurskipulagningu og nýja stofnfjáraukningu í tengslum við hana.