Alveg merkilegt hvað sumir .................

................geta verið þrjóskir eins og Magnús Bragason.

Enn það eru til skynsamir menn eins og Frosti Gíslason:

11. júní kl. 07.46 | eyjar.net |Aðsend grein

Verndum lundann

Frosti Gíslason skrifar

Eftir fréttirnar þann 9. júní 2009 um ástand lundastofnsins varð ég þungt hugsi.  Ég velti fyrir mér að ef ástand stofnsins er eins og lýst var af starfsmanni Náttúrustofu Suðurlands þá þurfum við virkilega að hugsa okkar gang.

Fuglaveiðar hafa verið stundaðar frá upphafi byggðar í Vestmannaeyjum og þar með lundaveiðar einnig og hefur hugmyndafræði sjálfbærrar þróunar verið höfð að leiðarljósi þann tíma. 

,,Sjálfbær þróun er þróun sem fullnægir þörfum samtíðarinnar án þess að skerða möguleika komandi kynslóða til að fullnægja sínum þörfum. 
Meginhugmyndin að baki sjálfbærri þróun, eða sjálfbærri nýtingu náttúruauðlinda, er einföld og alls ekki ný af nálinni. Hún er tvíþætt, í fyrsta lagi að ganga ekki óhóflega á forða náttúrunnar heldur nýta auðlindir hennar á hófsaman hátt og þá helst þannig að þær nái að endurnýja sig.  Í öðru lagi felst í sjálfbærri nýtingu náttúruauðlinda að þær skuli ekki nýttar á þann hátt að af hljótist mengun eða að umhverfinu sé spillt á annan hátt." 
(visindavefur.hi.is)

Nú er svo komið að hætta virðist vera á að lundastofninn nái ekki að endurnýja sig , nýtingin sé ekki sjálfbær lengur og nú ber að bregðast við því.

Rök fyrir lundaveiðum þetta árið eru léttvæg miðað við þá ábyrgð sem hvílir á okkur um verndun lundastofnsins til framtíðar með það að markmiði að geta stundað sjálfbæra nýtingu á stofninum í framtíðinni.

Sjófuglasérfræðingur Náttúrustofunnar lýsti því hvernig lundastofninn hefur minnkað gríðarlega undanfarin ár líklega vegna breytinga í umhverfinu. Hann kallaði það rányrkju ef veiðar yrðu stundaðar þetta árið og þær yrðu á engan hátt sjálfbærar og Náttúrustofa Suðurlands legðist gegn veiðum þetta árið.

Ég tel að bæjarstjórn Vestmannaeyja eigi að fara eftir þessum tillögum Náttúrustofunnar og heimila aðeins sjálfbæra nýtingu á náttúruauðlindum Vestmannaeyja og stöðva því lundaveiðar þetta árið.  Með því að leggjast gegn tillögum sérfræðinga Náttúrustofunnar myndi bæjarstjórn skaða ímynd og hagsmuni Vestmannaeyja til skemmri og lengri tíma og leggja blessun sína á ósjálfbæra nýtingu náttúruauðlinda.  Ég er hræddur um að það gæti á sama tíma skaðað sjávarútvegsfyrirtæki í Vestmannaeyjum sem leggja mikið upp úr sjálfbærri og ábyrgri nýtingu sjávarafurða og markaðssetja sig þannig. 

Sjálfbær nýting náttúruauðlinda er sjálfsögð og skynsamleg en að ganga á stofna sem eru í hættu er alger óráðsía.

Að sama skapi og ímynd Vestmannaeyja bæri skaða af því að heimila lundaveiðar þetta árið, myndi stöðvun lundaveiða þetta árið styrkja ímynd Vestmannaeyja sem fyrirmyndarsamfélag sem byggir á sjálfbærri nýtingu náttúruauðlinda á sjó, lofti og landi.

Til þess að komast til móts við bjargveiðimenn vil ég leggja til að Vestmannaeyjabær endurgreiði bjargveiðimannafélögunum nytjaréttargjald af úteyjunum og þar sem það á við. Þeir sem hafa stundað lundaveiðar vegna peninganna verða að finna aðrar leiðir til þess að afla fjár.

Þeir hafa stundað lundaveiðar vegna sportsins geta áfram stundað úteyjasport án þess að ganga á stofna í hættu, eða jafnvel veiða og sleppa eins og þykir orðið sjálfsagt í laxveiði í dag.

Ég vona því að við ákvarðanatöku um þetta mál hafi bæjarstjórn kjark til að hafa umhverfislega, efnahagslega og heildarhagsmuni Vestmannaeyja til framtíðar að leiðarljósi og að bjargveiðimenn sýni málinu skilning eins og þeir hafa alla tíð gert og haft sjálfbæra nýtingu að leiðarljósi.  Því tel ég að stöðvun veiða þetta árið verði niðurstaða sem allir ættu að geta fallist á.

Frosti Gíslason
Höfundur er áhugamaður um náttúru Vestmannaeyja

 
Ef fólk er fylgjandi því að vernda lundann getur það skráð sig í hópinn á Facebook, Verndum lundann:
http://www.facebook.com/home.php#/group.php?gid=89352397335&ref=ts

Tekið af http://eyjar.net/?p=101&id=29295

Hræðist algert lundaveiðibann

Athugasemdir

[Magnús Bragason, 11.6.2009 kl. 14:39]

Ertu ekki eitthvað að misskilja Pálmi. Ég held að við Frosti séum í flestu sammála, bara spurning um hvaða leið á að fara.

Í greininni kemur fram: Magnús telur vel koma til greina að veiðimenn í Eyjum taki sig saman, sýni ábyrgð og dragi enn frekar úr veiðunum eða hætti þeim alveg um tíma.

[Pálmi Freyr Óskarsson, 11.6.2009 kl. 16:52]

Sæll Magnús: Hmmmm............ég viðurkenni það ég las þetta ekki nógu vel í morgunn á mbl.is, eyjar.net og eyjafrettir.is. Ég hef reyndar ekki ná í nýjasta tölublað Frétta. Þannig að það getur verið að hef misskilið einkvað.

Stærsta spurning mín sambandi við lundaveiðina er sú að þið veiðimenn eru alltaf segja að þið séu að draga úr veiðum. Hvað lengi ætlið þið að lifa á voninni? Hvað þarf til að þið segi stopp? 

Núna í sumar stefnir í að veiðinn sé bara varpfugl, þá er hægt að fara kalla þetta rányrkju.

Er ekki best að fara ákveða að hætta alveg og bíða þangað til að lundastofninn verður nógu stór aftur til að það sé hægt að veiða hann aftur?

Ef það dregst mikið lengur að hætta veiðum á lunda, er það bara ávísun að þurfa bíða enn lengur að stofnin stækkar.

[Magnús Bragason, 11.6.2009 kl. 17:42]

Sæll aftur Pálmi.

Ég ítreka það sem ég sagði að ofan, þannig að við erum sammála. Ég vill að við í Eyjum gerum það sjálf og notum rökfræði ekki tilfinningar. En við ættum í leiðinni að skoða málið hvað það er sem veldur. Flestir eru sammála, bæði veiðimenn og vísindamenn, að ástæða ástandsins er ætisskortur. Hvað er það sem veldur því að sandsílið hvarf úr hafinu í kringum Eyjar. Sumir segja að það sé vegna makríls sem hefur verið í miklu magni hér í kring. Helsta fæða makríls er einmitt sandsíli. Við getum verið sammála um að eitthvað er að og það þurfi að rannsaka það. Sama ástand hefur verið ríkjandi hjá sílamáfnum undanfarin ár og varpið hjá honum hefur líka misfarist. En ég hef fengið fréttir um það að varpið í ár á Suðurnesjum sé mjög gott núna í sumar og hann hafi æti. Þannig að vonandi lagast ástandið hjá okkur líka fljótlega!

[Pálmi Freyr Óskarsson, 11.6.2009 kl. 21:25]

Gott að vita að við erum einhvað sammála um lundaveiðar Magnús. Enn við erum líka ósammála.

Hafa ekki flestir haldi því fram að það sem er gerast hjá sjófuglum kringum Vestmannaeyjar séu vegna ætisskorti? Auðvitað er einhvað að í sjónum og það er þarft verk að athuga hvað það er.

Enn ekki eru lundaveiðar næstu árin til að hjálpa stofninum þar sem það verður bara varpfugl hér eftir í nokkur mörg ár.

Þú segir í endanum að þú vonar að ástandið  lagist (sem ég vona líka að það gerist sem fyrst). Enn það þýðir sjálfsagt hjá þér að byrja strax að veiða hann ef svo gerist?

[Magnús Bragason, 11.6.2009 kl. 21:42]

Nei, við þurfum að hemja veiðar næstu ár.

En svo komum við að því hvort þú vilt banna veiðar á lunda af tilfinningarlegum rökum eða vísindalegum. Ef stofnin þolir veiðar eigum við þá ekki að veiða. Eigum við þá ekki með sömu rökum að banna aðrar dýraveiðar. Það eru hópar sem berjast gegn fiskveiðum og hafa mjög haldbær rök í þeim efnum.