xxxx

Íþróttir | Pepsi-deildin | mbl | 29.5.2011 | 17:55

ÍBV efst eftir sigur á Víkingi

Tryggvi Guðmundsson kom mikið við sögu í dag. mbl.is/Ómar

Júlíus G. Ingason, [e-mail]

ÍBV er komið í toppsætið í úrvalsdeild karla í fótbolta, Pepsi-deildinni, eftir sigur á Víkingi, 2:0, á Hásteinsvelli í Vestmannaeyjum í dag. ÍBV er með 13 stig en KR, sem mætir Fram í kvöld, er með 11 stig í öðru sætinu.

Tryggvi Guðmundsson lagði upp fyrra markið fyrir Ian Jeffs á 15. mínútu og skoraði síðan fljótlega seinna markið sjálfur, 2:0.

Byrjunarlið ÍBV: Abel Dhaira, Matt Garner, Finnur Ólafsson, Þórarinn Ingi Valdimarsson, Andri Ólafsson, Tryggvi Guðmundsson, Tonny Mawejje, Kelvin Mellor, Eiður Aron Sigurbjörnsson, Rasmus Christiansen, Ian Jeffs.
Varamenn: Guðjón Orri Sigurjónsson, Brynjar Gauti Guðjónsson, Yngvi Magnús Borgþórsson, Guðmundur Þórarinsson, Arnór Eyvar Ólafsson, Denis Sytnik, Bryan Hughes.

Byrjunarlið Víkings: Magnús Þormar, Hörður Sigurjón Bjarnason, Mark Richard Rutgers, Halldór Smári Sigurðsson, Þorvaldur Sveinn Sveinsson, Baldur Ingimar Aðalsteinsson, Milos Milojevic, Helgi Sigurðsson, Walter Hjaltested, Sigurður Egill Lárusson, Björgólfur Hideaki Takefusa.
Varamenn: Kári Sveinsson, Kjartan Dige Baldursson, Tómas Guðmundsson, Marteinn Briem, Kemar Roofe, Gunnar Helgi Steindórsson, Cameron Gayle.
ÍBV 2 : 0 Víkingur R.

Völlur: Hásteinsvöllur Áhorfendafjöldi: 863 Leikur hefst 29. maí 2011 16:00

Aðstæður Frábærar aðstæður, hæg gola, skýjað, hiti um 11 gráður og völlurinn góður. Gerist varla betra á þessum árstíma. Dómari: Guðmundur Ársæll Guðmundsson Aðstoðardómarar: Áskell Þór Gíslason og Viðar Helgason

mín.

	Leik lokið
90		+4 2-0 lokatölur fyrir ÍBV og sigurinn er fyllilega verðskuldaður. Lítið gerðist í síðari hálfleik, Eyjamenn lögðu áherslu á að verja forystuna og gerðu það vel því Víkingar náðu varla að ógna marki ÍBV í síðari hálfleik og í raun varla í leiknum öllum. Sannfærandi hjá Eyjamönnum sem virðast vera finna taktinn eftir að hafa hikstað aðeins í byrjun móts.
90		Arnór Eyvar Ólafsson (ÍBV) kemur inn á +1
90		Tryggvi Guðmundsson (ÍBV) fer af velli +1
90		Eyjamenn hafa verið í vandræðum með vallarklukkuna sína sem sýnir ekki lengur leiktímann en okkur í blaðamannastúkunni telst til að venjulegum leiktíma sé lokið.
89		Smá lífsmark með Víkingum. Varamaðurinn Cameron Gayle var við það að komast í gott skotfæri en Kelvin Mellor bjargaði í horn á síðustu stundu.
87		ÍBV fær hornspyrnu
87		Tonny Mawejje (ÍBV) á skot sem er varið Tonny Mawejje með góðan sprett eftir að hafa unnið boltann af varnarmönnum. Hann reyndi skot frá vítateig sem Magnús Þormar varði í horn.
83		Abel Dhaira, markvörður ÍBV sér til þess að áhorfendum leiðist ekki með því að halda boltanum aðeins á lofti eins og honum er einum lagið.
82		Tryggvi Guðmundsson (ÍBV) á skot framhjá Eyjamenn fengu aukaspyrnu nokkuð fyrir utan vítateig. Tryggvi reyndi skot sem fór langt yfir.
80		Guðmundur Þórarinsson (ÍBV) kemur inn á
80		Ian Jeffs (ÍBV) fer af velli
79		Cameron Gayle (Víkingur R.) kemur inn á
79		Sigurður Egill Lárusson (Víkingur R.) fer af velli
79		Matt Garner (ÍBV) fær gult spjald Fyrir brot.
77		Nú hefur bætt hressilega í rigninguna en Eyjamenn hafa aðeins slakað á klónni. Sumir leikmenn liðsins virka þreyttir enda útheimtir svona pressa mikið úthald.
75		Bryan Hughes (ÍBV) kemur inn á
75		Andri Ólafsson (ÍBV) fer af velli
74		Það er frekar rólegt yfir leiknum þessar mínúturnar. Það hefur líka dregið fyrir sólu og farið að rigna á Hásteinsvelli, en það ætti þó ekki að hafa áhrif á leikinn.
67		Ian Jeffs (ÍBV) á skot framhjá Fín sókn hjá Eyjamönnum sem endaði með skoti Ian Jeffs utan teigs en boltinn fór hárfínt framhjá.
66		Sigurður Egill Lárusson (Víkingur R.) á skot framhjá Aftur reyna Víkingar bakfallsspyrnu. Nú var það Sigurður Egill en spyrnan var misheppnuð og fór langt framhjá.
62		Víkingur R. fær hornspyrnu
61		Gunnar Helgi Steindórsson (Víkingur R.) kemur inn á
61		Marteinn Briem (Víkingur R.) kemur inn á
61		Þorvaldur Sveinn Sveinsson (Víkingur R.) fer af velli
61		Björgólfur Takefusa (Víkingur R.) fer af velli Tvöföld skipting hjá Víkingum.
52		Ian Jeffs (ÍBV) á skot sem er varið Enn á ný var Ian Jeffs kominn í gott skotfæri og í stað þess að senda boltann, ákvað hann að skjóta núna en Magnús Þormar varði. Sókn Eyjamanna rann svo út í sandinn.
49		Finnur Ólafsson (ÍBV) á skot framhjá Reyndi skot utan teigs en yfir.
49		Þórarinn Ingi Valdimarsson (ÍBV) á skot sem er varið Magnús Þormar varði en hélt ekki boltanum. Sókn ÍBV heldur áfram.
48		Milos Milojevic (Víkingur R.) fær gult spjald Stöðvaði boltann viljandi með hendinni.
47		Andri Ólafsson (ÍBV) á skot framhjá Klippti boltann á lofti en skotið arfaslakt. Fór í innkast.
46		Leikur hafinn Víkingar hefja leik með boltann í síðari hálfleik og sækja til austurs.
45		Eyjamenn hafa heldur betur sýnt sparihliðarnar í fyrri hálfleik gegn Víkingum. Frá fyrstu mínútu blésu þeir til stórsóknar og hafa haft öll völd á vellinum fyrstu 45 mínúturnar. Víkingar fengu í raun aðeins eitt gott færi og það var undir lok fyrri hálfleiksins þegar Baldur Aðalsteinsson átti gott skot sem Abel Dhaira varði meistaralega í horn. Fram að því höfðu Eyjamenn hreinlega farið á kostum í sókninni og ef það er eitthvað sem ætti að setja út á ÍBV í dag, þá er það þessi mikilvæga síðasta snerting í færunum. Tveggja marka forysta Eyjamanna er í takt við gang leiksins og spurning hvort þeir geti haldið sömu pressu á Víkingana í síðari hálfleik eða hvort Andri Marteinsson, þjálfari gestanna nái að koma sínum mönnum í gang.
45		Hálfleikur +2 Tveimur mínútum var bætt við. Staðan í hálfleik er 2-0 fyrir ÍBV.
45		Víkingur R. fær hornspyrnu +2
45		Baldur I. Aðalsteinsson (Víkingur R.) á skot sem er varið +1 Frábært skyndiupphlaup endaði með því að Baldur Aðalsteinsson átti stórgott skot að marki sem Abel Dhaira varði meistaralega í horn.
45		Andri Ólafsson (ÍBV) fær gult spjald Fyrir brot. Nú er aðeins uppbótartími eftir.
44		ÍBV fær hornspyrnu
44		Enn og aftur skapast hætta við mark Víkinga. Nú sendi Tonny Mawejje fyrir markið en á elleftu stundu náði Walter Hjaltested að koma boltanum aftur fyrir endamörk.
41		Andri Marteinsson, þjálfari Víkinga sendi varamenn sína að hita upp fljótlega í fyrri hálfleik, líklega til að vekja sína menn. Það hefur hins vegar ekki skilað árangri og varamennirnir hafa tekið sér sæti að nýju á varamannabekknum.
39		Finnur Ólafsson (ÍBV) á skot framhjá Langskot utan teigs en hárfínt yfir.
38		MARK! Tryggvi Guðmundsson (ÍBV) skorar 2-0 Það hlaut að koma að því að Eyjamenn myndu bæta við mörkum. Tonny Mawejje sendi inn í vítateig á Andra Ólafsson, sem lagði hann út á Tryggva sem urðu ekki á nein mistök. Enn ein glæsisóknin hjá ÍBV.
37		Aftur dauðafæri hjá ÍBV og nánast endurtekning frá síðasta færi. Aftur var Ian Jeffs kominn í ágætis skotfæri en reyndi nú að senda á Tryggva Guðmundsson. Nú var það hins vegar Ian Jeffs sem klikkaði því sendingin var slök.
35		Sannkallað dauðafæri. Ian Jeffs var kominn í ágætis skotfæri eftir skyndisókn Eyjamanna en í stað þess að skjóta, ákvað hann að renna boltanum til hliðar á Andra Ólafsson, sem var einn og óvaldaður við markteigslínuna. En fyrirliði Eyjamanna hitti ekki boltann. Klaufalegt hjá Andra.
31		Kelvin Mellor (ÍBV) á skot sem er varið Eftir mikinn darraðadans í teig Víkinga reyndi enski bakvörðurinn Kelvin Mellor skot sem fór í varnarmann, af honum hátt upp í loftið en að lokum fangaði Magnús Þormar boltann.
31		ÍBV fær hornspyrnu
31		Tonny Mawejje (ÍBV) á skot sem er varið Tonny fékk frákastið við vítateigshornið og lét vaða á markið en varnarmenn Víkinga setja boltann aftur fyrir endamörk.
30		ÍBV fær hornspyrnu
29		Kelvin Mellor (ÍBV) á skalla sem fer framhjá Enski bakvörðurinn skallar yfir eftir hornspyrnu Tryggva Guðmundssonar.
28		ÍBV fær hornspyrnu Eyjamenn fá aftur hornspyrnu.
28		ÍBV fær hornspyrnu
24		Víkingur R. fær hornspyrnu
23		Sigurður Egill Lárusson (Víkingur R.) á skot sem er varið Víkingar sýna lit og áttu ágætis sókn sem endaði með skoti Sigurðar en skotið fór í varnarmann og yfir.
22		Tryggvi Guðmundsson (ÍBV) á skot framhjá Eyjamenn fara hreinlega á kostum þessa stundina en eina sem vantar eru mörkin. Nú fékk Tryggvi upplagt skotfæri í vítateig en þrumaði yfir.
20		Finnur Ólafsson (ÍBV) á skot sem er varið Finnur lék á tvo varnarmenn Víkinga og var að komast í upplagt skotfæri þegar annar varnarmannanna hélt honum. Sá sleppti honum hins vegar á hárréttum tíma þannig að Finnur gat skotið að marki en Eyjamenn vildu fá aukaspyrnuna. Guðmundur Ársæll, dómari var ekki sammála þeim og leikurinn heldur áfram.
18		Eyjamenn eru duglegir að pressa Víkingana, sem eru í miklum vandræðum með að leysa pressuna.
15		Halldór Smári Sigurðsson (Víkingur R.) fær gult spjald Fyrir mótmæli.
15		MARK! Ian Jeffs (ÍBV) skorar 1-0 Eyjamenn voru fljótir að átta sig eftir sókn Víkinga. Tryggvi Guðmundsson sendi langa sendingu fram á Ian Jeffs sem slapp einn í gegn, lék á Magnús Þormar sem kom út á móti honum og lagði boltann í markið. Sannkölluð leiftursókn hjá Eyjamönnum.
15		Björgólfur Takefusa (Víkingur R.) á skot sem er varið Reyndi bakfallsspyrnu en misheppnuð tilraun.
14		Tonny Mawejje (ÍBV) á skot framhjá Sókn Eyjamanna hélt áfram og Tonny Mawejje fékk boltann við vítateigshornið en skaut hátt yfir.
14		Þórarinn Ingi Valdimarsson (ÍBV) á skot sem er varið Beint í varnarmann.
10		Leikurinn fer fjörlega af stað enda engin ástæða til annars, aðstæður allar hinar bestu og sólin farin að glenna sig. Eyjamenn hafa verið sterkari í upphafi leiks.
9		Finnur Ólafsson (ÍBV) á skot sem er varið Finnur hirti boltann af varnarmönnum Víkinga og reyndi að leggja boltann upp í fjærhornið en Magnús Þormar varði meistaralega. Flott tilþrif hjá þeim báðum.
7		Ian Jeffs (ÍBV) á skot framhjá Spurning hvort eigi að flokka þetta sem skot. Magnús Þormar ætlaði að hreinsa frá marki en skaut beint í Ian Jeffs og boltinn fór hárfínt framhjá. Þarna voru Víkingar stálheppnir.
7		Björgólfur Takefusa (Víkingur R.) á skot sem er varið Skot utan teigs en Abel Dhaira ekki í vandræðum með að verja.
6		Eyjamenn leika sama leikkerfi og gegn Keflvíkingum, með þrjá leikmenn frammi, m.a. hinn hávaxna fyrirliða sinn Andra Ólafsson.
5		Andri Ólafsson (ÍBV) á skot sem er varið Misheppnað skot hjá Andra. Hitti ekki boltann eftir ágæta sókn Eyjamanna og Magnús Þormar ekki í vandræðum með að grípa boltann.
3		Allt í einu var Tryggvi Guðmundsson einn á auðum sjó en var réttilega dæmdur rangstæður.
1		Leikur hafinn Eyjamenn byrja með boltann og leika til austurs í átt að bænum.
0		Óaðfinnanlegur flutningur hjá krökkunum í Flensborgarskóla og nú getur leikur hafist.
0		Leikmenn liðanna ganga nú inn á völlinn og Kór Flensborgarskóla býr sig undir að syngja þjóðsönginn. Áhorfendur rísa að sjálfsögðu úr sætum á meðan.
0		Það verður þjóðleg stemmning fyrir leik hér á Hásteinsvellinum. Kór Flensborgarskóla er í heimsókn í Eyjum og ætla krakkarnir að syngja þjóðsönginn fyrir leik. Skemmtilegt framtak.
0		Tryggvi var rétt í þessu að sýna Guðmundi Ársæli Guðmundssyni, dómara leiksins grímuna sem hann mun spila með í dag og í næstu leikjum. Guðmundur og félagar hans virtust ekki hafa neitt út á grímuna að setja.
0		Tryggvi Guðmundsson er í byrjunarliði ÍBV í dag þrátt fyrir kinnbeinið hafi brotnað á þremur stöðum í síðasta leik gegn Keflavík. Þá kemur Ian Jeffs inn í byrjunarlið ÍBV í stað Guðmundar Þórarinssonar sem sest á bekkinn.
0		Andri Marteinsson gerir tvær breytingar á sínu liði frá því í jafnteflisleiknum gegn Grindavík í síðustu umferð. Eins og áður hefur komið fram tekur finnski miðjumaðurinn Denis Abdulahi út leikbann í dag og Marteinn Briem sest á tréverkið. Í þeirra stað koma þeir Þorvaldur Sveinn Sveinsson og Björgólfur Hideaki Takefusa.
0		Byrjunarlið ÍBV Abel Dhaira, Matt Garner, Finnur Ólafsson, Þórarinn Ingi Valdimarsson, Andri Ólafsson, Tryggvi Guðmundsson, Tonny Mawejje, Kelvin Mellor, Eiður Aron Sigurbjörnsson, Rasmus Christiansen, Ian Jeffs. Varamenn: Guðjón Orri Sigurjónsson, Brynjar Gauti Guðjónsson, Yngvi Magnús Borgþórsson, Guðmundur Þórarinsson, Arnór Eyvar Ólafsson, Denis Sytnik, Bryan Hughes. Byrjunarlið Víkings: Magnús Þormar, Hörður Sigurjón Bjarnason, Mark Richard Rutgers, Halldór Smári Sigurðsson, Þorvaldur Sveinn Sveinsson, Baldur Ingimar Aðalsteinsson, Milos Milojevic, Helgi Sigurðsson, Walter Hjaltested, Sigurður Egill Lárusson, Björgólfur Hideaki Takefusa. Varamenn: Kári Sveinsson, Kjartan Dige Baldursson, Tómas Guðmundsson, Marteinn Briem, Kemar Roofe, Gunnar Helgi Steindórsson, Cameron Gayle.
0		Denis Abdulahi, finnski miðjumaðurinn hjá Víkingi, tekur út leikbann í dag. Hann fékk rauða spjaldið í lok bikarleiks Víkinga gegn KV á fimmtudagskvöldið.
0		Tveir af mestu markaleikjum í sögu Íslandsmótsins eru á milli ÍBV og Víkings. Árið 1970 vann ÍBV leik liðanna í Reykjavík 6:4 og árið 1993 var skorað einu marki meira þegar þau mættust á Valbjarnarvelli í Laugardal. Þá unnu Eyjamenn yfirburðasigur, 9:2. Tryggvi Guðmundsson skoraði þar þrennu fyrir Eyjamenn en hann er leikmaður ÍBV í dag, 18 árum síðar.
0		ÍBV og Víkingur hafa mæst 41 sinni í efstu deild frá 1926. Eyjamenn hafa unnið 17 leiki og Víkingar 14 og markatalan er 72:71, ÍBV í hag.
0		ÍBV og Víkingur mættust síðast í efstu deild fyrir fimm árum, 2006. Þá unnu Víkingar 1:0 í Eyjum þar sem Viktor Bjarki Arnarsson skoraði sigurmarkið. Seinni leikurinn á Víkingsvelli endaði 5:0 fyrir Víking. Þá skoraði Viktor Bjarki 2 mörk, Grétar Sigfinnur Sigurðarson 2 og Arnar Jón Sigurgeirsson eitt.
0		ÍBV er í 2. sæti deildarinnar með 10 stig eftir 5 umferðir. Víkingar eru í 8. sætinu með 6 stig. Þessi tvö lilð hafa ásamt Val fengið á sig fæst mörk í deildinni til þessa, 3 hvort.

Mörk

ÍBV - Tryggvi Guðmundsson (38 mín.)
ÍBV - Ian Jeffs (15 mín.)

Áminningar

Matt Garner (ÍBV) (79 mín.)
Milos Milojevic (Víkingur R.) (48 mín.)
Andri Ólafsson (ÍBV) (45 mín.)
Halldór Smári Sigurðsson (Víkingur R.) (15 mín.)

Skot á mark

Víkingur R. 4
ÍBV 11

Skot framhjá

Víkingur R. 1
ÍBV 9

Hornspyrnur

Víkingur R. 3
ÍBV 6

• Til baka
• Blogga um frétt
• Deila fréttinni
• Senda frétt
• Prenta frétt

© Árvakur hf. Öll réttindi áskilin
http://mbl.is/sport/efstadeild/2011/05/29/ibv_efst_eftir_sigur_a_vikingi/