xxxxx

Vísir 15. maí. 2011 20:45

Umfjöllun: Jafntefli í hörkuleik í Eyjum

Úr leik liðanna í fyrra. Mynd/Stefán

Valur Smári Heimisson á Hásteinsvelli skrifar:

ÍBV og Breiðablik mættust á Hásteinsvellinum í góðu veðri. 1-1 jafntefli var niðurstaðan í hörkuleik.

Blikarnir byrjuðu vel og átti Kristinn Steindósson sláarskot á 24. mínútu leiksins þegar hann fékk boltann fyrir utan vítateig Eyjamanna. Breiðablik komst svo yfir á 37. mínútu og aftur var það áðurnefndur Kristinn sem átti góðan sprett upp kantinn og gaf lág sending sem rataði í gegnum teiginn. Þar var Guðmundur Kristjánsson mættur og lagði boltann í netið.

Eyjamenn komu svo mun sterkari inn í síðari hálfleikinn og það var Þórarinn Ingi sem jafnaði metin eftir að Elfar Freyr náði ekki að hafa stjórn á boltanum í vörninni.

Eftir þetta voru bæði lið að sækja stíft og hefði sigurinn auðveldlega getað dottið báðum megin. Bæði lið voru orðin þreytt undir lokin enda hefur verið þétt leikjadagskráin að undanförnu. Andri Ólafsson slapp í gegn en Ingvar Þór varði meistaralega en hinu megin var það stöngin sem bjargaði Eyjamönnum þegar Viktor Unnar Illugason skaut að marki.

Báðir sigrar Eyjamanna á tímabilinu til þessa hafa komið í uppbótatímum og flestir Eyjamenn voru gríðarlega spenntir á lokamínútunum.

„Við höfum verið að skapa okkur þessa heppni sem hefur verið með okkur í okkar sigrum, erum að berjast alveg allann leikinn og mér fannst það sjást í dag að við áttum meira inni heldur en Blikarnir hérna í lokinn," sagði Heimir Hallgrímsson, þjálfari ÍBV.

ÍBV - Breiðablik 1-1

Dómari: Valgeir Valgeirsson (7).
Skot (á mark): 8-7 (7-5)
Varin skot: Albert 4 - Ingvar 6
Horn: 3-2
Aukaspyrnur fengnar: 11-15
Rangstöður: 6-2

ÍBV (4-3-3):
Albert Sævarsson 5
Matt Garner 6
Eiður Aron Sigurbjörnsson 7
Rasmus Christiansen 7
Kelvin Mellor 7
Andri Ólafsson 6
Bryan Hughes 5
(80. Anton Bjarnason -)
Þórarinn Ingi Valdimarsson 7
Guðmundur Þórarinsson 6
(65. Arnór Eyvar Ólafsson 5)
Denis Sytnik 3
(46. Tony Mawejje 5)
Jordan Connerton 4

Breiðablik (4-3-3):
Ingvar Þór Kale 6
Arnór Sveinn Aðalsteinsson 6
Finnur Orri Margeirsson 6
Elfar Freyr Helgason 5
Kristinn Jónsson 6
Guðmundur Kristjánsson 7 - maður leiksins
Jökull Elísabetarson 6
Andri Rafn Yeoman 6
(73. Viktor Unnar Illugason -)
Tómas Óli Garðarsson 5
(60. Haukur Baldvinsson 5)
Kristinn Steindórsson 7
(67. Olgeir Sigurgeirsson 5)

Fyrst birt: 15. maí. 2011 03:13

Boltavaktin:

Þessi síða uppfærist sjálfkrafa á 30 sekúndna fresti ÍBV 1 - 1 Breiðablik

Mörk
'58	Þórarinn Ingi Valdimarsson

Mörk
'37	Guðmundur Kristjánsson

15. Maí. 2011 kl.16.00 - Hásteinsvöllur - Áhorfendur: 864

Opna i sér glugga » 16. Maí 10:22
'95	Leik Lokið
'94	Viktor unnar fer upp vinstri kanntinn, er kominn í gegn og á skot í stöng!
'93	5 mínútum var bætt við venjulegan leiktíma
'90	Bæði lið að sækja á mörgum mönnum og ætla sér sigur, spennandi lokamínútur
'85	Misheppnuð sending í vörninni hjá Blikum, Andri Ólafsson að sleppa einn í gegn en Ingvar Þór varði meistaralega.
'80	Bryan Hughes út / Anton Bjarnason inn
'78	Stórhættuleg sókn hjá Breiðablik, Guðmundur Kristjánsson braust í gegnum vörn eyjamanna, var einn á móti Alberti en rendi boltanum til hliðar en þar kom bakvörðurinn Kelvin Mellor og hreinsaði.
'73	Arnar Már Björgvinsson út / Viktor Unnar Illugason inn
'71	"Nú setjum við í gagn" öskrar Heimir Hallgrímsson inn á völlinn, en Eyjamenn hafa verið betri aðilinn í seinni hálfleik, það sem af er.
'67	Kristinn Steindórsson út / Olgeir Sigurgeirsson inn  - Taktískar breytingar hjá báðum liðum, spurning hvernig þetta kemur út hjá Heimi og Óla þjálfurum liðanna
'65	Guðmundur Þórarinsson út / Arnór Eyvar Ólafsson inn
'60	Tómas Óli Garðarsson út / Haukur Baldvinsson inn
'58	Þórarinn Ingi Valdimarsson skoraði mark  - Elfar Freyr missti boltann langt frá sér þegar hann var að hlaupa til baka, Þórarinn Ingi náði til knattarins og skoraði fram hjá Ingvari í markinu.	1-1
'54	Þórarinn Ingi Valdimarsson fékk gult spjald  - Þórarinn Ingi við það að sleppa í gegn, en missti boltan of langt frá sér og Ingvar Þór náði honum en Þórarinn sparkaði aðeins í hendurnar á Ingvari og fékk gult fyrir vikið
'47	Áhorfendur á Hásteinsvelli eru 864
'46	Seinni hálfleikur hefst
'46	Denis Sytnik út / Tony Mawejje inn  - Taktísk skipting hjá Eyjamönnum
'45	Fyrri hálfleik lokið  - Gestirnir leiða í hálfleik með einu marki gegn engu. Sjáumst eftir korter.
'45	Eiður Aron Sigurbjörnsson fékk gult spjald  - Eiður að fara í bókina fyrir brot á Arnari Má.
'44	Kristinn með fínt skot að marki, eftir góða sendingu frá Tómasi Óla, en skot Kristins fór yfir markið.
'41	Ólafur Kristjánsson, þjálfari Blika, fékk hér áminningu fyrir nokkur vel valin orð til aðstoðardómarans, en orðrétt kallaði Óli hann "flagg-óðan". Það verður að segjast að hann hafi nokkuð til síns máls.
'37	Kristinn Steindórsson gaf stoðsendingu
'37	Guðmundur Kristjánsson skoraði mark  - Kristinn Steindórs átti hér góða sendingu inn á Guðmund, sem kláraði færið vel. Gestirnir hér komnir yfir, en þeir hafa verið líklegri það sem komið er.	0-1
'35	Andri Rafn Yeoman fékk gult spjald  - Andri fékk hér gult spjald fyrir að dýfa sér inni í teig, eftir viðskipti við Andra Ólafs, fyrirliða ÍBV.
'34	Lítið er að gerast þessa stundina, en heimamenn þó meira með boltann.
'24	Jordan hér í dauðafæri eftir sendingu frá Bryan Hughes, en Jordan reyndi á einhvern óskiljanlegan hátt að skjóta boltanum með hælnum, en skotið varð aldrei hættulegt. Nokkuð ljóst er að hann þarf að sýna betri takta en þetta ef hann ætlar sér ekki að fara sömu leið og Mark Redshaw hjá Frömmurunum.
'23	Kristinn aftur að láta að sér kveða, en gott skot hans fór í þverslánna að þessu sinni.
'17	Kristinn Steindórsson með ágætt skot inni í teig með vinstri, en skotið yfir markið. Gestirnir að gera sig líklega þessar mínúturnar.
'13	Tómas Óli Garðarsson komst í fínt færi eftir vandræðagang í vörn heimamanna, en skot hans beint á Albert í markinu
'10	Denis Sytnik var nálægt því að ná til boltans inni í teig, eftir sendingu frá Jordan Connerton. Ingvar Kale og hans menn í teignum náðu þó að bægja hættunni frá.
'2	Guðmundur Þórarins átti hér hörkusendingu yfir á Þórarinn Inga sem var kominn í ákjósanlega stöðu, en var flaggaður rangstæður, en heimamenn voru ekki sáttir við þann dóm.
'1	Leikurinn hafinn  - Það eru gestirnir sem hefja leik.
'0	Þrjár breytingar eru á liði ÍBV. Albert Sævarsson er aftur kominn í mark Eyjamanna í stað Abel Dhaira sem stóð vaktina er ÍBV vann 1-0 sigur á Val í síðustu umferð. Tryggvi Guðmundsson er í banni og tekur Denis Sytnik hans stöðu í byrjunarliðinu. Þá er Guðmundur Þórarinsson í liðinu á kostnað Tony Mawejje, sem er á bekknum.
'0	Þá eru einnig nokkrar breytingar á liði Breiðabliks sem vann Grindavík, 2-1, fyrr í vikunni. Kári Ársælsson er á bekknum og er Finnur Orri Margeirsson fyrirliði í hans stað. Hann mun væntanlega standa vaktina í vörninni ásamt Elfari Frey Helgasyni. Arnar Már Björgvinsson er aftur kominn inn í byrjunarliðið, sem og Jökull Elísabetarson sem tók út leikbann í síðasta leik. Rafn Andri Haraldsson er því á meðal varamanna Blika í dag.
'0	Velkomin á Boltavakt Vísis og Fréttablaðsins. Hér verður viðureign ÍBV og Breiðabliks lýst.

Liðin:

• ÍBV
• 3 - Matt Garner
• 5 - Þórarinn Ingi Valdimarsson
• 6 - Andri Ólafsson
• 7 - Albert Sævarsson
• 14 - Guðmundur Þórarinsson
• 16 - Jordan Connerton
• 18 - Kelvin Mellor
• 21 - Denis Sytnik
• 23 - Eiður Aron Sigurbjörnsson
• 27 - Bryan Hughes
• 28 - Rasmus Christiansen
• Varamenn
• 1 - Abel Dhaira
• 2 - Brynjar Gauti Guðjónsson
• 8 - Yngvi Magnús Borgþórsson
• 11 - Anton Bjarnason
• 13 - Kjartan Guðjónsson
• 15 - Tony Mawejje
• 19 - Arnór Eyvar Ólafsson

• Breiðablik
• 1 - Ingvar Þór Kale
• 3 - Finnur Orri Margeirsson
• 5 - Elfar Freyr Helgason
• 7 - Kristinn Steindórsson
• 16 - Guðmundur Kristjánsson
• 17 - Jökull I Elísabetarson
• 18 - Arnar Már Björgvinsson
• 19 - Kristinn Jónsson
• 22 - Arnór Sveinn Aðalsteinsson
• 27 - Tómas Óli Garðarsson
• 30 - Andri Rafn Yeoman
• Varamenn
• 6 - Kári Ársælsson
• 8 - Viktor Unnar Illugason
• 9 - Haukur Baldvinsson
• 10 - Rafn Andri Haraldsson
• 11 - Olgeir Sigurgeirsson
• 23 - Marko Pavlov
• 25 - Sigmar Ingi Sigurðarson

• Dómarar
• Valgeir Valgeirsson
• Jóhann Gunnar Guðmundsson
• Birkir Sigurðarson

http://www.visir.is/umfjollun--jafntefli-i-horkuleik-i-eyjum/article/2011110519430

Aðgerðir

• Til baka
• Blogga um fréttina
• Senda með tölvupósti
• Senda á Facebook
• Prenta þessa síðu