xxx

Vísir 11. maí. 2011 23:12

Umfjöllun: Stórglæsilegt sigurmark Þórarins eyðilagði afmælisveisluna

Mynd/Anton

Óskar Ófeigur Jónsson skrifar:

Þórarinn Ingi Valdimarsson tryggði Eyjamönnum 1-0 sigur á Val og sá til þess að Valsmenn fóru stigalausir heim úr 100 ára afmælisveislunni á Vodavone-vellinum í kvöld. Eyjamenn spiluðu manni færri allan seinni hálfeikinn en tókst að halda aftur af heimamönnum áður en Þórarinn skoraði sigurmarkið með stórkostlegu skoti í uppbótartíma.

Valsmenn voru manni fleiri allan síðari hálfleikinn eftir að Eyjamaðurinn Tryggvi Guðmundsson fékk beint rautt spjald í lokin á fyrri hálfleik en tókst ekki að nýta sér liðsmuninn. Rauða spjaldið var umdeilt og ekki síst þar sem að Valsmaðurinn Haukur Páll Sigurðsson slapp alveg hjá Kristni Jakobssyni dómara en þeim tveimur hafði lent saman.

Eyjamenn börðust vel og gáfu fá færi á sér í seinni hálfleiknum á sama tíma og Valsmenn voru afar klaufskir á síðasta þriðjunginum. Þegar allt virtist stefna í markalaust jafntefli þá gleymdu Valsmenn Þórarni fyrir utan teiginn og tryggði sigurinn með algjöru draumamarki.

Valsmenn byrjuðu leikinn mjög vel og fengu tvö ágæt færi á fyrstu fimm mínútunum, fyrst skaut Hörður Sveinsson í slá og svo varði Abel Dhaira vel frá Matthíasi Guðmundssyni. Valsmenn spiluðu oft laglega á milli sín á upphafskaflanum og Haukur Páll Sigurðsson, Christian Mouritsen og Guðjón Pétur Lýðsson voru allt í öllu í leik liðsins.

Þegar leið á hálfleikinn komust þó Eyjamenn meira inn í leikinn þótt að þeim tækist ekki að koma sér í opin marktækifæri gegn traustri vörn Valsmanna.

Á 33. mínútu sparkar Arnar Sveinn Geirsson að því virðist óviljandi í höfuð Rasmus Christiansen þegar Rasmus er að fara skalla boltann. Rasmus lá lengi í jörðinni og bjuggust flestir við skiptinu. Það var hinsvegar Arnar sem fór útaf meiddur og Rasmus hélt áfram vafinn í andlitinu eins og hálfgerð múmía.

Það hitnaði vel í mönnum eftir samtuðið hjá Arnari og Rasmus og Kristinn hafði í mörgu að snúast það sem eftir lifði af hálfleiknum.

Á 45. mínútu lenti þeim Hauki Pál Sigurðssyni og Tryggva Guðmundssyni saman og það endaði með að Kristinn dómari gaf Tryggva rautt spjald en Haukur Páll slapp hinsvegar við spjaldið. Kristinn var í góðri aðstöðu til að sjá þetta en það var mjög skrýtið að aðeins öðrum þeirra skyldi vera refsað og það með hámarksrefsingu.

Eyjamenn duttu aftur á völlinn í seinni hálfleik og vörðust vel en það hjálpaði þeim líka að Valsmenn voru hægir og kraftlausir og tókst engan veginn að nýta sér liðsmuninn.

Flestar sóknir Valsmanna í seinni hálfleiknum voru hættulitlar og skotin ógnuðu ekki mikið Eyjamarkinu enda fóru þau flest langt yfir.

Það virtist vera að stefna í markalaust jafntefli þegar Eyjamenn náðu einni af fáum sóknum sínum í seinni hálfleiknum. Valsmenn sofnuðu á verðunum, leyfðu Þórarni að fá tíma fyrir utan teig og hann þakkaði fyrir það með því að smella boltanum upp í vinkilinn með stórglæsilegu skoti.

Eyjamenn héldu síðan út og fögnuðu gríðarlega í leikslok enda höfðu fáir búist við því að þeir tækju öll stigin með sér heim þegar Tryggvi var rekinn útaf í lok fyrri hálfleiksins.

Tölfræðin: Valur - ÍBV 0-1

Mörkin:
0-1 Þórarinn Ingi Valdimarsson (90.+1)

Rautt spjald:
Tryggvi Guðmundsson, ÍBV (45.)

Vodafone-völlur
Áhorfendur: 2348
Dómari: Kristinn Jakobsson (6)

Skot (á mark): 12-6 (4-1)
Varin skot: Haraldur 0, Dhaira 3
Horn: 13-5
Aukaspyrnur fengnar: 15-7
Rangstöður: 3-0


Valur (4-5-1)
Haraldur Björnsson 5
Jónas Tór Næs 5
Halldór Kristinn Halldórsson 6
Atli Sveinn Þórarinsson 5
Pól Jóhannus Justinussen 6
Haukur Páll Sigurðsson 6
(70., Andri Fannar Stefánsson -)
Guðjón Pétur Lýðsson 5
Arnar Sveinn Geirsson 5
(37., Jón Vilhelm Ákason 6)
Matthías Guðmundsson 6
Christian R. Mouritsen 6
(54., Rúnar Már Sigurjónsson 5)
Hörður Sveinsson 4

ÍBV (4-5-1)
Abel Dhaira 6
Kelvin Mellor 5
Eiður Aron Sigurbjörnsson 6
Rasmus Christiansen 7
Matt Garner 5
Andri Ólafsson 6
Bryan Hughes 5
(81., Anton Bjarnason -)
Tony Mawejje 5
(50., Guðmundur Þórarinsson 6)
Tryggvi Guðmundsson 4
Þórarinn Ingi Valdimarsson 7 - Maður leiksins -
Jordan Connerton 5
(61., Denis Sytnik 5)

Fyrst birt: 11. maí. 2011 14:44

Boltavaktin:

Þessi síða uppfærist sjálfkrafa á 30 sekúndna fresti Valur 0 - 1 ÍBV

Mörk
'90	Þórarinn Ingi Valdimarsson

11. Maí. 2011 kl.20.00 - Vodafonevöllurinn

Opna i sér glugga » 12. Maí 07:31
'90	Leik Lokið
'90	Matt Garner gaf stoðsendingu
'90	Þórarinn Ingi Valdimarsson skoraði mark  - Þórarinn Ingi skoraði með glæsilegu skoti af löngu færi upp í bláhornið.	0-1
'90	Þremur mínútum bætt við.
'90	Öll skot Valsmanna á lokakaflanum eru hættulaus, af löngu færi og fara langt yfir markið.
'81	Bryan Hughes út / Anton Bjarnason inn  - Hughes var orðinn þreyttur og það fyrir löngu.
'80	Abel Dhaira, markvörður ÍBV, hefur gripið nokkrum sinnum vel inni. Hann er stundum svolítið tæpur en þetta hefur bjargast hingað til.
'70	Haukur Páll Sigurðsson út / Andri Fannar Stefánsson inn  - Haukur Páll var farinn að haltra og náði ekki að fylgja eftir flottum fyrri hálfleik.
'70	Eyjamenn halda út ennþá en pressa Valsmanna er að aukast.
'63	Rúnar Már Sigurjónsson var nálægt því að skora beint úr horni en Abel slær boltann yfir.
'61	Jordan Connerton út / Denis Sytnik inn  - Heimir setur fríska fætur í framlínuna.
'58	Valsmönnum gengur ekkert alltof vel að stjórna leiknum gegn tíu Eyjamönnum og það er ekki mikil pressa á Eyjavörninni eins og er.
'58	Matthías Guðmundsson skallaði yfir eftir fyrirgjöf frá Jónas Tór Næs.
'55	Matthías Guðmundsson slapp í gegn en slakt skot hans fór framhjá Abel sem kom út á móti og einnig framhjá markinu.
'54	Christian R. Mouritsen út / Rúnar Már Sigurjónsson inn
'52	Það er kraftur í Eyjamönnum í upphafi seinni hálfleiks og þeir ætla ekki að gefast upp.
'50	Tony Mawejje út / Guðmundur Þórarinsson inn
'46	Seinni hálfleikur hefst
'45	Fyrri hálfleik lokið  - Það var fjórum mínútum bætt við. Heimir Hallgrímsson, þjálfari ÍBV, ræðir málin við Kristinn dómara.
'45	Tryggvi Guðmundsson fékk beint rautt spjald  - Fyrir að slá Hauk Pál eftir að þeim lenti saman. Kristinn var í góðri aðstöðu til að sjá þetta.
'38	Andri Ólafsson fékk gult spjald  - fyrir brot á Hauki Pál Sigurðssyni.
'37	Arnar Sveinn Geirsson út / Jón Vilhelm Ákason inn  - Rasmus heldur áfram en Arnar þarf að fara útaf vegna meiðsla.
'36	Það er búið að vefja allan hausinn á Rasmus og hann ætlar aftur inn á völlinn en hann er líkari múmíu en fótboltamanni.
'33	Arnar Sveinn Geirsson fékk gult spjald  - Arnar Sveinn fær gult fyrir brotið en menn eru enn að huga að Rasmus.
'32	Arnar Sveinn Geirsson sparkar í höfuð Rasmus Christiansen þegar hann er að fara skalla boltann og þetta lítur ekki vel út.
'27	Hörður Sveinsson snýr af sér varnarmann og skot hans er að stefna í bláhornið þegar Kevin Mellor nær að skalla hann yfir.
'25	Kelvin Mellor fékk gult spjald  - Fyrir að brjóta á Matthíasi Guðmundssyni sem var kominn framhjá honum.
'21	Valsmenn heimta víti fyrir hendi en Kristinn dæmir ekkert.
'17	Bryan Hughes er farinn að láta til sín taka á miðjunni og Eyjamenn eru að koma inn í leikinn.
'15	Halldór Kristinn Halldórsson fékk gult spjald  - Halldór fær gult fyrir brot fyrir að brjóta á Bryan Hughes.
'14	Haukur Páll Sigurðsson á skalla eftir aukaspyrnu Guðjóns Péturs Lýðssonar en Abel ver auðveldlega.
'10	Valsmenn hafa tekið völdin í leiknum og er oft að spila boltanum skemmtilega á milli sín.
'5	Guðjón Pétur Lýsson sýnir snilldartakta þegar hann leggur upp færi fyrir Matthías Guðmundsson eftir stutta hornspyrnu en Abel Dhaira ver vel í horn.
'3	Hörður Sveinsson á skot í slánna eftir fyrirgjöf Arnars Sveins Geirssonar.
'2	Eyjamenn setja smá pressu á Valsmenn strax í upphafi leiks en ná ekki að skapa sér færi.
'1	Leikurinn hafinn  - Valsmenn byrja með boltann.
'0	Valsmenn spila þó ekki í þessum fyrrnefndu búningum því öllum að óvörum þá klæða sig þeir úr þeim.
'0	100 Valskrakkar hlaupa inn á völlinn og sleppa 100 blöðrum í tilefni af afmælinu. Skemmtilegt.
'0	Valsmenn spila í nýjum búningum með gömlum stíl. Peysurnar eru meira að segja reimaðar að framan.
'0	"Valsmenn léttir í lundu" hljómar á Hlíðarenda og Valsmenn taka vel undir. Það er sannkölluð afmælisstemmning og nú styttist óðum í leikinn. Það er líka vel mætt á leikinn og stúkan er að fyllast.
'0	Valsmenn halda upp á 100 ára afmæli sitt í dag og því er mikið um dýrðir á Hlíðarenda. Nú er að sjá hvort Valsmenn fái þrjú stig í afmælisgjöf frá leikmönnum sínum.
'0	Eyjamenn hafa ekki unnið fyrsta útileik sinn á tímabili í efstu deild síðan að þeir unnu Blika árið 1996.
'0	Valsmenn eiga í kvöld möguleika á að vinna fyrstu þrjá leiki sína í fyrsta sinn frá árinu 2005.
'0	Eyjamenn voru taplausir á Vodafone-vellinum í fyrra; unnu Hauka 3-0 og gerðu 1-1 jafntefli við Val.
'0	Heimir Hallgrímsson, þjálfari ÍBV, hefur gert nokkrar breytingar á sínu liði og mesta athygli vekur að Abel Dhaira byrjar í markinu í stað Albert Sævarssonar og að Bryan Hughes er í byrjunarliðinu í sínum fyrsta leik. Auk þeirra kemur Kevin Mellor inn í byrjunarliðið.
'0	Kristján Guðmundsson, þjálfari Vals, gerir engar breytingar á byrjunarliði sínu enda hefur Valsliðið unnið tvo fyrstu leiki sína á þessu liði.
'0	Velkomin á Boltavakt Vísis og Fréttablaðsins. Hér verður leik Vals og ÍBV lýst.

Liðin:

• Valur
• 1 - Haraldur Björnsson
• 3 - Jónas Tór Næs
• 4 - Halldór Kristinn Halldórsson
• 5 - Atli Sveinn Þórarinsson
• 6 - Pól Jóhannus Justinussen
• 9 - Hörður Sveinsson
• 10 - Guðjón Pétur Lýðsson
• 11 - Matthías Guðmundsson
• 18 - Arnar Sveinn Geirsson
• 19 - Christian R. Mouritsen
• 21 - Haukur Páll Sigurðsson
• Varamenn
• 2 - Stefán Jóhann Eggertsson
• 7 - Sigurbjörn Örn Hreiðarsson
• 8 - Rúnar Már Sigurjónsson
• 12 - Sindri Snær Jensson
• 14 - Jón Vilhelm Ákason
• 17 - Guðmundur Steinn Hafsteinsson
• 23 - Andri Fannar Stefánsson

• ÍBV
• 1 - Abel Dhaira
• 3 - Matt Garner
• 5 - Þórarinn Ingi Valdimarsson
• 6 - Andri Ólafsson
• 9 - Tryggvi Guðmundsson
• 15 - Tony Mawejje
• 16 - Jordan Connerton
• 18 - Kelvin Mellor
• 23 - Eiður Aron Sigurbjörnsson
• 27 - Bryan Hughes
• 28 - Rasmus Christiansen
• Varamenn
• 2 - Brynjar Gauti Guðjónsson
• 7 - Albert Sævarsson
• 8 - Yngvi Magnús Borgþórsson
• 11 - Anton Bjarnason
• 14 - Guðmundur Þórarinsson
• 19 - Arnór Eyvar Ólafsson
• 21 - Denis Sytnik

• Dómarar
• Kristinn Jakobsson
• Sigurður Óli Þórleifsson
• Gylfi Már Sigurðsson

Tengdar greinar:

• Þórarinn Ingi: Okkar mottó er að gefast aldrei upp
• Andri: Okkur fannst allavega gaman í þessu afmæli
• Kristján: Við áttum að skora í fyrri hálfleik
• Atli Sveinn: Þetta var mjög svekkjandi

Aðgerðir

• Til baka
• Blogga um fréttina
• Senda með tölvupósti
• Senda á Facebook
• Prenta þessa síðu

Fleiri fréttir