Annar stór skjálfti
17:37 Annar stór jarðskjálfti reið yfir höfuðborgarsvæðið um kl. 17:20 í dag. Skjálftinn átti upptök sín við Kleifarvatn en þar hefur jörð skolfið í allan dag. Skjálftinn fannst vel í Reykjavík og víðar og var að sögn Veðurstofunnar ívið stærri en skjálftinn í morgun. MeiraKafarar fundu högg á botninum
16:15 Þrír kafarar voru við köfun í norðaustur hluta Kleifarvatns í morgun og voru á rúmlega 20 metra dýpi þegar skjálftahrina reið yfir svæðið. Þeir fundu fyrir miklu höggi og heyrðu háværa hvelli. Að sögn Friðbjörns Orra Ketilssonar, eins kafaranna, var höggið mikið. MeiraÁfram talsverð skjálftavirkni
14:12 Skjálftavirkni hefur haldið áfram við Kleifarvatn í dag, en skjálftarnir eru minni en í morgun. Frá miðnætti til kl. 14 í dag höfðu um 380 skjálftar komið fram á mælum Veðurstofu Íslands. MeiraSkjálftinn var nær Reykjavík
11:00 Upptök skjálftans eru norðar en þau hafa yfirleitt verið. Þau eru því ívið nær höfuðborgarsvæðinu en oft áður og því eðlilegt að skjálftinn hafi fundist vel," segir Gunnar B. Guðmundsson, jarðeðlisfræðingur hjá Veðurstofu Íslands. MeiraLíkur á fleiri skjálftum
10:39 Líkur eru á fleiri jarðskjálftum á Krísuvíkursvæðinu á næstu klukkustundum, að sögn Gunnars B. Guðmundssonar, jarðeðlisfræðings hjá Veðurstofu Íslands. Menn hafa varann á fyrstu klukkustundirnar eftir svona atburð," segir Gunnar. Hann hvetur fólk til að sýna stillingu. MeiraKort af skjálftanum
10:12 Mikill fjöldi jarðskjálfta nú í morgun kemur greinilega fram á 48 klukkustunda tímakvarðakorti Veðurstofu Íslands sem nú er aðgengilegt á netinu. MeiraSkjálftinn líklega 4 stig
09:55 Jarðskjálftinn sem fannst greinilega í Reykjavík fyrir stundu átti upptök í Krýsuvík. Hann var að líkindum 4 stig, að því er sérfræðingur hjá Veðurstofu Íslands áætlar. MeiraJarðskjálfti í Reykjavík
09:07 Jarðskjálfti varð í Reykjavík um kl. 9 í morgun. Samkvæmt upplýsingum frá Veðurstofu Íslands var stærð skjálftans um 4. Skjálftinn átti upptök sín við Kleifarvatn, en um 200 skjálftar hafa mælst þar síðan á miðnætti. MeiraFlokkur: Dægurmál | Sunnudagur, 27. febrúar 2011 (breytt kl. 19:31) | Facebook
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.