xsa

nnlendar fréttir

Innlendar fréttir | 27.02.2011 19:24

Jörð skelfur við Kleifarvatn

Jörð er ekki hægt að skjálfa við Kleifarvatn. Um hálfsexleytið varð skjálfti af stærðinni 4,2 en skjálftinn um níuleytið í morgun var af stærðinni fjórir. Á fimmta hundrað...

.

Innlendar fréttir | 27.02.2011 18:07

„Tilfinningin lík þungu bassahöggi"

Þrír kafarar voru í norðausturhluta Kleifarvatns í morgun þegar öflugasti skjálftinn reið yfir um níuleytið. Friðbjörn Orri Ketilsson, einn kafaranna, segir þá félaga gjarnan kafa í Kleifarvatni og skoða hveri. Í morgun voru þeir á 20 metra dýpi. Friðbjörn segir þá félaga hafa verið að kafa dýpra þegar gríðarlega öflug höggbylgja ríði yfir í gegnum vatnið. Þeim hafi verið talsvert brugðið og héldu í fyrstu að búnaður hefði gefið sig. Hann segir skjálftann líkt og hann hafi verið hristur, vatnsmassinn hafi titrað - ekki ólíkt þungu bassahöggi. Þeim hafi þó ekki verið meint af.

Innlendar fréttir | 27.02.2011 17:37

Jarðskjálftinn 4,2 að stærð

Jarðskjálfti að stærðinni 4,2 varð laust fyrir klukkan hálfsex í dag. Skjálftinn fannst á höfuðborgarsvæðinu og víðar. Að sögn Veðurstofunnar er þetta stærsti skjálftinn í dag og vinna jarðfræðingar Veðurstofunnar hörðum höndum að því að mæla upptök skjálftans. Talið er að hann eigi upptök sín við Kleifarvatn á Reykjanesskaga þar sem mikil jarðskjálftahrina hefur verið síðan á fimmtudag.

Innlendar fréttir | 27.02.2011 12:37

Engin merki um gosóróa

Steinunn Jakobsdóttir, jarðeðlisfræðingur á Veðurstofu Íslands, segir að búast megi við áframhaldandi skjálftavirkni nálægt Krísuvík næstu dægrin. Hún á hins vegar ekki von á viðlíka skjálfta og þeim sem kom rétt eftir klukkan níu í morgun. Styrkur þess skjálfta var fjórir á Richter skalanum og fannst víða á höfuðborgarsvæðinu og Reykjanesi.

Innlendar fréttir | 27.02.2011 09:16

Búist við áframhaldandi virkni

Jarðeðlisfræðingar á Veðurstofu Íslands búast við að jarðskjálftavirknin á Reykjanesskaga haldi áfram næstu dægrin, í kjölfar þess að skjálfti uppá fjóra á Richter mældist þar um klukkan níu í morgun. Steinunn Jakobsdóttir, jarðeðlisfræðingur, segir að þegar svona stór skjálfti kemur megi reikna með eftirsjálftavirkni næsta sólarhringinn eða svo. Hún og samstarfsfólk hennar hafa verið að fylgjast með skjálftahrinunni sem staðið hefur síðustu sólarhringa. Virknin á þessu svæði jókst í nótt; hátt í þrjú hundruð skjálftar hafa mælst nálægt Krísuvík síðan um miðnætti. Steinunn segir að þarna hafi einnig verði ákveðin þensla í jarðskorpunni, sem hafi komið fram á GPS mælum. Það séu áhöld um hvort þrýstingsbreytingar í jarðhitakerfum séu að valda þenslunni, eða hvort um tilflutning á kviku sé að ræða. Hins vegar séu engin merki um að eldsumbrot séu í vændum á þessu svæði, enda er algengt að þarna ríði yfir hrinur jarðskjálfta

Innlendar fréttir | 27.02.2011 06:56

Jarðskjálftahrina við Kleifarvatn

Tveir jarðskjálftar mældust við Kleifarvatn á sjötta tímanum í morgun. Veðurstofu hefur borist tilkynning um að seinni skjálftinn, sem varð klukkan 5:46, hafi fundist á höfuðborgarsvæðinu.

Innlendar fréttir | 26.02.2011 18:31

Jarðskjálftar á Reykjanesi

Um sjötíu litlir jarðskjálftar hafa mælst í nágrenni Krísuvíkur síðan á miðnætti í gærkvöldi, en þar hefur verið skjálftahrina undanfarna sólarhringa. Flestir skjálftanna hafa verið vægir; þó hafa mælst þarna skjálftar upp á rúmlega tvo á Richter. Þessir skjálftar eru á þriggja til fimm kílómetra dýpi, og engar vísbendingar eru um að þarna sé eldsumbrot að vænta, segir Steinunn Jakobsdóttir, jarðeðlisfræðingur á Veðurstofunni.