RÚV.is

Innlendar fréttir

Innlendar fréttir | Veður | 11.02.2011 08:59

Björgunarsveitir enn að störfum

Björgunarsveitir í Hafnarfirði eru enn að störfum vegna óveðursins sem gengið hefur yfir suðvesturhluta landsins í nótt og morgun. Útköllum hefur hins vegar fækkað síðasta...

Innlendar fréttir | Vesturland | 11.02.2011 08:35

Skólaakstri frestað um klukkutíma

Skólaakstri í Kleppjárnsreykjadeild grunnskóla Borgarfjarðar verður frestað um klukkutíma - til kl. 9:30 - svo framarlega sem veðrið gengur niður. Skólahald á Varmalandi og Hvanneyri er óbreytt.

Innlendar fréttir | Veður | 11.02.2011 08:01

Kennsla fellur niður í sumum skólum

Kennsla fellur niður Flóaskóla í Flóahreppi, Grunnskóla Vestmannaeyja, Heiðaskóla í Hvalfirði og Klébergsskóla á Kjalarnesi. Skólarútur á vegum Fjölbrautaskóla Suðurlands á Selfossi verða ekki á förum, en reynt verður að haldi úti kennslu þrátt fyrir það. Það sama á við um Mýrdalinn. Skólabílar aka ekki, en kennt verður í Grunnskólanum í Vík. Skólaakstri í Kleppjárnsreykjadeild grunnskóla Borgarfjarðar verður frestað um klukkutíma - til kl. 9:30 - svo framarlega sem veðrið gengur niður. Skólahald á Varmalandi og Hvanneyri er óbreytt.

Innlendar fréttir | Veður | 11.02.2011 07:59

Flugi seinkar vegna veðurs

Millilandaflugi og innlandsflugi seinkar fram eftir morgni. Morgunflugi Icelandair og Iceland Express seinkar til kukkan 10 að minnsta kosti. Innlandsflugi Flugfélags íslands hefur verið frestað til klukkan 11.15 og Ernir hafa einnig seinkað sínum ferðum. Upplýsingar um komu og brottfarir má finna á textavarpinu á síðum 420 til 425.

 

Innlendar fréttir | Veður | 11.02.2011 07:14

Stormur á Suður- og Vesturlandi

Suðaustan stormur gengur nú yfir landið sunnan og vestanvert og nær veðurhæðin sumstaðar 30 metrum á sekúndu. Það er einning hvasst á Norður og Austurlandi, en veðurhæð þar er ekki eins mikil. Björgunarsveitir hafa verið kallaðar út á Suðurnesjum, á höfuðborgarsvæðinu, Akranesi og Ísafirði. Samhæfingastöð Almannavarna í Skógarhlíð hefur verið virkjuð vegna óveðursins.

Innlendar fréttir | 11.02.2011 06:28

Þakplötur fjúka á Suðurnesjum

Samhæfingastöð Almannavarna í Skógarhlíð hefur verið virkjuð vegna óveðursins sem nú geysar víða um land. Nokkur útköll hafa borist á Suðurnesjum. Þakplötur hafa fokið af húsum í Reykjanesbæ og í Vogum. Björgunarsveit Hafnarfjarðar hefur einnig verið kölluð út og hennar bíða ein fimm verkefni. Meðal annars hefur vinnuskúr fokið og þakplötur losnað af húsum og rúður brotnað.

Innlendar fréttir | 11.02.2011 03:48

Borgarfjarðarbraut lokuð

Gámagrind, eða eftirvagn flutningabíls, valt á Borgarfjarðarbraut við Flókadal í nótt. Grindin liggur þvert á veginn og lokar honum alveg. Að sögn lögreglunnar mun taka nokkurn tíma að senda vinnuvélar á staðinn til að opna veginn og verður hann því lokaður til morguns.

Innlendar fréttir | Landeyjahöfn | Suðurland | Samgöngumál | 11.02.2011 03:34

Dæluskipið Skandia komið til Eyja

Dæluskipið Skandia sem verður notað við dýpkun Landeyjahafnar á næstunni kom til hafnar í Vestmannaeyjum um miðnættið í gær. Hafnsögubáturinn Lóðsinn tók á móti dæluskipinu í miklu hvassviðri. Hafnsögumaður náði að stökkva á milli skipa í vari við Bjarnarey.

Innlendar fréttir | 10.02.2011 22:20

Búist við stormi eða ofsaveðri

Búist er við stormi og jafnvel ofsaveðri sunnan- og vestanlands í nótt og í fyrramálið. Gera má ráð fyrir 30 til 40 metrum á sekúndu í hviðum undir Hafnarfjalli og að þær fari í allt 45 til 55 í nótt og í fyrramálið. Einnig að snarpar hviður verði á utanverðu Kjalarnesi og undir Eyjaföllum. Stormur verður um mest allt land í fyrramálið og veðurhæð verður þá í hámarki á suðvesturlandi.